Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
SHOWBIZ
Sara Gjordeni reagon për lajmet se do jetë opinioniste në “Big Brother VIP”: “Nuk më kanë kontaktuar, por do ishte nder”
PiranjatPërditësimi i fundit 12 Nëntor 2025, 14:05
Ish-banorja e “Big Brother VIP 3”, Sara Gjordeni, ka qenë mbrëmjen e së martës e ftuar në emisionin “Goca dhe Gra”, ku ka folur hapur për jetën e saj profesionale dhe atë private.
Gjatë bisedës, moderatorja Rudina Dembacaj e pyeti Sarën për lajmet që kanë qarkulluar së fundmi, ku ajo përflitet si opinioniste e edicionit të ri të “Big Brother VIP”.
Sara sqaroi se nuk është kontaktuar nga produksioni për këtë pozicion, por pranoi se do ta pranonte me kënaqësi nëse do t’i ofrohej një mundësi e tillë.
“Unë vetë nuk kam shprehur dëshirë për të qenë në asnjë nga pozicionet e ndonjë emisioni. Por më bëhet qejfi që njerëzit më manifestojnë në këtë rol, tregon një lloj vlerësimi”, – tha ajo. E pyetur nëse është kontaktuar nga produksioni, ajo u përgjigj shkurt:
“Jo, nuk më kanë kontaktuar për këtë pozicion.” Megjithatë, Sara shtoi se një ftesë e tillë do të ishte e mirëpritur:
“Nëse do të më vinte një ftesë e tillë, patjetër që po. Është super nder, pse jo.” Me këtë deklaratë, Sara Gjordeni nuk e mohoi mundësinë që në të ardhmen të bëhet pjesë e një projekti televiziv si opinioniste, duke lënë hapur derën për zhvillime të reja.
