Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SHOWBIZ
Shkoi për një foto tek banesa e reperit të njohur, por përfundoi peng në një makth dy-orësh
PiranjatPërditësimi i fundit 19 Nëntor 2025, 10:33
Reperi francez Zola, 26 vjeç, është vënë në pranga nga autoritetet franceze, pasi akuzohet për rrëmbim dhe dhunë të rëndë ndaj një 19-vjeçari, i cili sipas mediave lokale ishte një fans i zjarrtë i artistit.
Ngjarja dyshohet se ka ndodhur në banesën e tij në Seine-et-Marne. Sipas Le Parisien, i riu kishte shkuar pranë shtëpisë së reperit thjesht për të bërë një foto, por situata mori një kthesë të frikshme.
Policia arrestoi Zola-n dhe tre të tjerë, pasi viktima deklaroi se ishte sulmuar brutalisht. Raportohet se artisti ka dalë nga banesa i shoqëruar nga tetë persona të maskuar e të armatosur, duke e terrorizuar të riun që u përpoq të largohej. Ai u kap me forcë dhe u dërgua sërish brenda banesës.
Aty, sipas dëshmisë së tij, ka nisur një seancë traumatike që ka zgjatur rreth dy orë. 19-vjeçari thotë se është detyruar të zhvishet, ndërsa rrobat e tij janë djegur para syve. Më pas, Zola dhe truprojat e tij e kanë goditur dhe madje i kanë vendosur një armë zjarri në gojë.
Dhuna është zhvendosur në bodrum, ku sulmuesit dyshohet se kanë qëlluar me armë shumë pranë trupit të tij. Para se ta linin të largohej, atij i morën telefonin dhe kartën bankare, ndërsa makina iu dëmtua rëndë me goma të shpuara dhe pasqyra të thyera.
Grupi gjithashtu e ka shoqëruar deri te automjeti, duke e kërcënuar me vdekje dhe duke e paralajmëruar të mos njoftonte policinë. I riu është strehuar më pas te të afërm që jetonin në zonë.
Hetimet për rastin vijojnë, ndërsa autoritetet pritet të marrin vendime të tjera në ditët në vijim.
