Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SHOWBIZ
Shqiptarja shpallet më e bukura në Amerikë, emocionon publikun me këngën e Skënderbeut
PiranjatPërditësimi i fundit 18 Tetor 2025, 11:29
Samantha Shkreli Sarelli, një shqiptare me origjinë nga Kosova, është kurorëzuar me titullin prestigjioz “The Miss Globe USA 2025”, duke përfaqësuar me krenari komunitetin shqiptar në një nga skenat më të mëdha ndërkombëtare të bukurisë.
Në mbrëmjen e talent-show-t të konkursit, Samantha befasoi jurinë dhe publikun duke interpretuar këngën patriotike “Trim mbi trima Gjergj Kastrioti”, si një homazh për prindërit e saj dhe gjithë diasporën shqiptare.
E emocionuar nga suksesi, ajo tregoi se performanca ishte përgatitur me kujdes që nga muaji maj, nën udhëheqjen e trajneres së saj muzikore Nika Veseli. “Zgjodha këtë këngë sepse doja diçka me kuptim të thellë – diçka që pasqyron lidhjen time me rrënjët shqiptare dhe krenarinë për figurën e Skënderbeut. Ai luftoi për popullin shqiptar dhe është arsyeja pse ekzistojmë si komb,” – ka shkruar ajo në një postim që shoqëron videon e performancës.
Edhe pse nuk kishte kënduar më parë në gjuhën shqipe apo a capella, Samantha e përballoi me sukses sfidën, falë përkushtimit dhe mbështetjes që mori nga ekipi i saj.
Në fund të fjalës së saj, ajo falënderoi familjen, miqtë dhe gjithë shqiptarët që e kanë mbështetur në këtë rrugëtim, duke theksuar:
“Jam përjetësisht mirënjohëse Amerikës që më dha mundësinë të përfaqësoj ëndrrën amerikane me shpirt shqiptar.” Me këtë paraqitje, Samantha Shkreli Sarelli jo vetëm që fitoi një titull të rëndësishëm bukurie, por edhe përçoi mesazhin e unitetit dhe krenarisë kombëtare shqiptare në një skenë botërore.
