Protestuesit janë pozicionuar tek Ministria e Arsimit, pasi qëndruan paqësisht për më shumë se dy orë para kryeministris&eu...
SHOWBIZ
Thonë se i ngjan shumë Eva Muratit, por “prezantuesja” që po mashtron rrjetet nuk ekziston
PiranjatPërditësimi i fundit 3 Tetor 2025, 14:42
Eysan Aksoy është shfaqur si një emër i ri në botën e televizionit sportiv, duke fituar vëmendje të madhe në rrjetet sociale muajt e fundit si prezantuese e supozuar e Ligës së Kampionëve. Me një profil të kuruar deri në detaj dhe një prani të fortë online, ajo ka grumbulluar mbi 40 mijë ndjekës në një kohë shumë të shkurtër.
Por, pas raportimeve ndërkombëtare, është zbuluar se Eysan Aksoy nuk ekziston në realitet. Portreti dhe imazhi i saj janë një krijim i inteligjencës artificiale, ndërsa prapa profilit qëndrojnë persona anonimë që e përdorin këtë identitet për përfitime financiare.
Mediat britanike, përfshirë “The Sun”, kanë raportuar se Aksoy ka ndërtuar një imazh të një prezantueseje turke që jeton mes luksit, udhëtimeve ekstravagante dhe pozave provokuese. Përveç postimeve publike, është zbuluar se pas këtij profili qëndron edhe një faqe “Patreon”, ku fansat paguajnë shuma që shkojnë deri në 771 paund për përmbajtje +18.
Ajo që ka tërhequr edhe më shumë vëmendje është fakti se stilistika dhe pamja e “Eysan Aksoy” duken të bazuara mbi moderatoren e njohur shqiptare, Eva Murati, e cila ka fituar reputacion ndërkombëtar për prezantimet e saj në Champions League.
Ky rast është një nga shembujt më të qartë të rreziqeve që vijnë me përhapjen e inteligjencës artificiale në rrjetet sociale, ku kufiri mes realitetit dhe trillimit po bëhet gjithnjë e më i paqartë.
