Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SHOWBIZ
Tyrese Gibson përballet me akuza për mizori ndaj kafshëve pas sulmit fatal të qenit të fqinjit në Atlanta
PiranjatPërditësimi i fundit 30 Shtator 2025, 16:06
Aktori i njohur i sagës "Fast & Furious", Tyrese Gibson, 46 vjeç, është shpallur në kërkim nga autoritetet në Atlanta, Georgia, në kuadër të një hetimi për mizori ndaj kafshëve.
Një nga katër qenët e tij të racës Cane Corso dyshohet se ka shkaktuar vdekjen e qenit të fqinjit, Harrison Parker, një Cavalier King Charles Spaniel pesëvjeçar me emrin Henry.
Sipas policisë, Parker kishte lënë qenin e tij në oborrin e rrethuar, por kur u kthye pas pak minutash, e gjeti të ngordhur me shenja sulmi nga një kafshë tjetër. Raportet tregojnë se qentë e Gibsonit kishin qenë të lirë edhe më parë dhe se ishin regjistruar të paktën pesë ankesa për endjen e tyre në lagje ditët para incidentit.
Gibson, i cili ndodhet aktualisht në Dubai për një "pushim për shëndetin mendor", kishte premtuar më 22 shtator se do t’i dorëzonte qentë Shërbimeve për Kafshët. Megjithatë, kur autoritetet shkuan në banesën e tij, aktori kërkoi më shumë kohë për të marrë një vendim, gjë që solli lëshimin e një urdhri kërkimi dhe një urdhri arresti ndaj tij.
Kapitenja Nicole Dwyer nga policia e Atlanta-s deklaroi:
"Është neglizhencë nga ana e tij si pronar shtëpie dhe pronar kafshësh, duke i lënë ato të enden të lira. Dhe tani ato kanë vrarë një kafshë të pafajshme"
Në momentin e ndërhyrjes së policisë, Gibson nuk ndodhej në shtëpi dhe qentë ishin zhvendosur. Autoritetet paralajmërojnë se aktori do të ndiqet ligjërisht për çdo mosbashkëpunim lidhur me dorëzimin e kafshëve.
