Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SHOWBIZ
“Vajza më e bukur në botë” i përgjigjet akuzave për operacione plastike: Bukuria ime është natyrale
PiranjatPërditësimi i fundit 8 Tetor 2025, 15:26
Modelja franceze Thylane Blondeau, e cila u bë e njohur që në moshën 4-vjeçare pasi u cilësua nga mediat si “vajza më e bukur në botë”, ka reaguar së fundmi ndaj zërave që e akuzojnë për ndërhyrje estetike.
24-vjeçarja, e cila vijon të jetë aktive në industrinë e modës, ka ndarë një mesazh të qartë me ndjekësit në rrjetet sociale:
“Jam lodhur nga komentet mbi fytyrën time. Nëse keni dyshime, shikoni fotot e mia të fëmijërisë nuk kam ndryshuar.”
Thylane theksoi se bukuria e saj është plotësisht natyrale dhe nuk ka kryer asnjë operacion plastik.
Ajo është vajza e ish-futbollistit Patrick Blondeau dhe ish-prezantueses Veronique Loubry. Falë pamjes së saj unike, ajo nisi karrierën shumë herët dhe ka sfiluar për marka të njohura botërore si Dolce & Gabbana, Versace dhe Hugo Boss. Thylane është gjithashtu ambasadore e markës L’Oréal Paris.
Modelja ka kaluar edhe sfida shëndetësore. Në vitin 2020, ajo iu nënshtrua një operacioni për një kist në vezore, për të cilin foli hapur në rrjetet sociale, me qëllim të rrisë ndërgjegjësimin për shëndetin e grave të reja.
Së fundmi, Thylane u pa në Javën e Modës në Paris, ku tërhoqi vëmendje me stilin e saj minimalist dhe elegancën natyrale. Ajo këshillon të rinjtë që të mos ndjekin çdo trend, por të investojnë në rroba të thjeshta, komode dhe me stil.
