Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SHOWBIZ
Varrimi i vëllait të Gjestit u kthye në një shfaqje me kamera, Zana Avdiu: Të pamoralshëm, keni humbur ndjenjat njerëzore
PiranjatPërditësimi i fundit 28 Shtator 2025, 14:00
Reagimet për pamjet e shpërndara nga varrimi i Eldion Kelmendit, vazhdojnë të jenë të forta. Autorja dhe aktivistja Zana Avdiu, ka reaguar për momentin kur Egli dhe Gjesti takohen, ndërkohë të pranishmit fotografojnë.
Në një postim të saj, Avdiu e ka cilësuar këtë veprim si "pamje të turpshme" dhe ka kritikuar sjelljen e atyre që shfrytëzuan një moment kaq të ndjeshëm.
Ajo shkruan:
"Telefonat e gatshëm, të gatitun për me kap secilën pamje, xhiruan një skenë ku u takuan dy ish-banorë të Big Brother. E krejt kjo ndodhi mbi varrin e një fëmije që humbi jetën tragjikisht. E kam thënë më herët dhe po e them prapë: jemi shoqëri e pamoralshme. Kemi rënë nga gjithçka, solidariteti, dhembshuria, përkrahja, respekti, madje edhe dhimbja për humbjen e tjetrit."
Avdiu shpreh keqardhje për faktin që një moment i tillë, i mbushur me dhimbje, u kthye në një shfaqje për rrjete sociale dhe se, në vend të heshtjes dhe nderimit, disa prej të pranishmëve e përdorën për të bërë show.
"Na fal, Eldion! Na fal që jemi një shoqëri e kalbur, që nuk dimë t’i ruajmë as të gjallët, as të vdekurit. Edhe vdekjen tënde e shndërruam në spektakël, në një skenë turpi ku humbën edhe ndjenjat më elementare njerëzore," shkroi Avdiu, duke e përfunduar postimin me një apel për respekt ndaj familjes Kelmendi.
"Ngushëllime të thella familjes Kelmendi. Zoti ua lehtësoftë barrën e kësaj dhimbjeje të pafund, e engjëlli juaj qofte në parajsë!" përfundon ajo.
