Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SOCIALE
Futbolli shqiptar humb një legjendë, ndahet nga jeta trajneri i njohur Bejkush Birçe...
PiranjatPërditësimi i fundit 30 Qershor 2024, 11:57
Bejkush Birçe
TIRANE - Bejkush Birçe, një nga emrat më të mëdhenj të futbollit shqiptar është ndarë sot nga jeta. Ai dha kontribut të veçantë si trajner i ekipit Kombëtar, ndërkohë që ka qenë ishte edhe zv.president i FSHF-së.
Birçe e kaloi karrierën e tij si futbollist te Partizani, ndërkohë që e drejtoi më pas këtë ekip edhe si trajner, sikurse bëri me Naftëtarin, Flamurtarin, Lokomotivën e Durrësit dhe Dinamon.
Gjithashtu, ai mbahet mend si një nga trajnerët më të shquar të Kombëtares, teksa drejtoi kuqezinjtë në vitet ’90, në një periudhë të vështirë për vendin.
FSHF i shpreh ngushëllimet më të sinqerta familjes, së afërmve dhe miqve të Birçes për këtë humbje të madhe!
Edhe presidenti i FSHF-së, Armand Duka me një postim në rrjetet sociale ka shprehur trishtimin e tij për këtë humbje dhe u ka shprehur ngushëllime familjarëve dhe miqve të Bejkush Birçes.
“I pikëlluar pas lajmit të ndarjes nga jeta të Bejkush Birçes!
Kemi humbur një nga njerëzit me më shumë kontribute në futbollin shqiptar, si lojtar, trajner e drejtues në FSHF. Kemi humbur një njeri me karakter të fortë, një mik dhe një familjar shumë të mirë.
Në emrin tim dhe të komunitetit të futbollit shqiptar, dua t’i shpreh ngushëllimet e mia familjes, së afërmve dhe miqve, të cilët kanë humbur një njeri shumë të dashur për ta.
U prehsh në paqe Bejkush Birçe!”, - shkruan presidenti Duka në statusin e tij.
Homazhet për të ndjerin Bejkush Birçen do të zhvillohen ditën e hënë, në ambientet e stadiumit “Air Albania”, duke nisur nga ora 11:00.
