Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
SOCIALE
"Kush konsumon deri në 700 kWh/muaj do paguajë 8.5 lekë për kWh!" Nis sot aplikimi i çmimit të ri të energjisë për abonentët familjarë
M.BPërditësimi i fundit 1 Shkurt 2025, 09:33
TIRANA- Sot hyn në fuqi çmimi "i ri" i energjisë për abonentët familjarë për të cilët kush konsumon deri ne 700 kWh/muaj energji do të paguajë 8.5 lekë për kWh, ndërsa për familjarët që konsumojnë mbi 700 kWh/muaj çmimi mbetet 9.5 lekë për kWh.
Ky vendim u mor në muajin janar nga Enti Rregullator i Energjisë, ndërsa kryeministri Edi Rama deklaroi pas vendimit për uljen e çmimit për abonentët familjarë se kjo lehtësi nuk u mor për qëllime elektorale por qeveria ka një plan për ta shndërruar Shqipërinë në një vend eksportues të energjisë deri në vitin 2030. Tarifa e re e energjisë elektrike që hyn në fuqi nga kjo e shtunë do të aplikohet deri në 31 dhjetor të këtij viti.
Zëvendëskryeministrja, njëherësh ministre e Infrastrukturës dhe Energjisë, Belinda Balluku, me anë të një postimi në rrjetet sociale thotë se nga sot, nis aplikimi i çmimit të ri të energjisë elektrike në masën 10.5% më i ulët.
Balluku bën me dije se nga dita e sotme aplikohet çmimi i ri i energjisë elektrike me kategori konsumi për të gjithë klientët familjarë, ndërsa tarifimi i ri do të pasqyrohet në faturën mujore shkurt 2025 që paguhet në faturën e muajit mars.
