Tensione dhe përplasje verbale janë shënuar para Ministrisë së Arsimit, ku protestuesit u janë drejtuar efektivëve të ...
SPORT
3 gola në 4 ndeshje, Jonathan David drejt transferimit përfundimtar te Atletico
PiranjatPërditësimi i fundit 17 Tetor 2026, 10:26
Trajneri Diego Simeone duket gjithnjë e më i bindur për vlerat e sulmuesit kanadez Jonathan David, i cili është huazuar nga Juventus tek Atletico Madrid.
Klubi spanjoll po mendon të paguajë klauzolën e blerjes prej 25 milionë eurosh, pas një fillimi të shkëlqyer të sezonit nga ana e lojtarit.
David ka regjistruar një bilanc pozitiv me 3 gola të shënuar në 4 paraqitjet e tij të para me fanellën e “Colchoneros”. Sulmuesi i lindur në vitin 2000 është një profil lojtari që Simeone nuk e kishte në skuadër, duke u integruar në mënyrë perfekte në skemat e tij taktike.
Pas fitores në Champions League kundër Manchester United, trajneri argjentinas vlerësoi lëvizjet e tij natyrale drejt krahut të djathtë dhe punën e madhe mbrojtëse që bën për skuadrën. Drejtuesit e Atletico Madrid do të tentojnë të negociojnë sërish me Juventus, por shuma e nevojshme për blerjen e kartonit është tashmë e përfshirë në buxhetin e klubit.
Marrëveshja e arritur verën e kaluar mes dy klubeve parashikon një huazim falas të lojtarit deri më 30 qershor 2027.
Kjo marrëveshje i jep mundësinë klubit spanjoll ta blejë përfundimisht Jonathan David për 25 milionë euro, një shumë që mund të paguhet e ndarë në katër vite financiare.
