Një individ me një të kaluar shumë të dyshimtë, i cili nga njëra anë fuste lugën, në tjetrën garuzhden,...
SPORT
A po i shet Duka ndeshjet miqësore të Kombëtares?
PiranjatPërditësimi i fundit 7 Qershor 2026, 16:19
Dy ndeshjet e fundit miqësore të Kombëtares shqiptare, ajo ndaj Izraelit dhe kjo e fundit kundër Luksemburgut, të dyja të zhvilluara në Tiranë, kanë ngritur shumë pikëpyetje te tifozët kuqezi. Të dy takimet përfunduan me të njëjtin rezultat, 0-1, duke shënuar një start zhgënjyes për trajnerin e ri Maran në stolin e Shqipërisë.
Ajo që ka rënë më shumë në sy nuk është vetëm rezultati, por mënyra se si u paraqit skuadra në fushë. Në të dyja ndeshjet u vu re mungesë fantazie në lojë, ritëm i ulët dhe një angazhim larg nivelit që pritet nga përfaqësuesja jonë. Shqipëria u shfaq pa ide të qarta në sulm dhe pa grintë.
Këto paraqitje kanë ngjallur dyshime në opinionin sportiv. Duke qenë se bëhet fjalë për ndeshje miqësore, pa peshë në renditje apo objektiva zyrtare, disa tifozë dhe komentues kanë ngritur pikëpyetje mbi seriozitetin me të cilin u luajt në këto takime. Në rrjetet sociale nuk kanë munguar as spekulimet se rezultatet mund të kenë favorizuar kuota të larta bastesh që janë vënë për skuadrat kundërshtare.
Mënyra se si u zhvilluan takimet ka krijuar një klimë mosbesimi te një pjesë e tifozëve.
Në qendër të kritikave është vënë presidenti i FSHF-së, Armando Duka, i cili prej më shumë se dy dekadash drejton futbollin shqiptar. Tifozët e akuzojnë se drejton me doorë të hekurt në FSHF, të gjithë i tremben dhe zbatojnë verbërisht urdhërat e tij, përfshi edhe gardën e vjetër të futbollistëve me të cilët ka raporte shumë të ngushta.
Dyshimet për shitje ndeshjesh në favor të basteve nuk vijne për herë te parë. Superliga ka patur në fundin e saj një numër të madh ndeshjesh të dyshuara, ndaj ndoshta është momenti që organet ligjzbatuese të marrin seriozisht sinjalizimet pë trukim ndeshjesh dhe të nisin një hetim për çfarë ndodh me futbollin shqiptar./Piranjat News
