Një përbindësh i madh betoni, i cili fillon si një strukturë dhe më pas degëzohet në disa drejtime, do të ngrihet n...
SPORT
Akuza të forta ndaj Infantinos: “Kongresi i AFC-së ishte politikë e pastër për rizgjedhjen e tij”
PiranjatPërditësimi i fundit 26 Tetor 2026, 15:00
Gianni Infantino përballet me akuza për përdorimin e Kongresit të Konfederatës Aziatike të Futbollit (AFC) në funksion të rizgjedhjes së tij për një mandat të katërt si president i FIFA-s. Kritikat vijnë nga Princi Ali bin Hussein, kreu i Federatës Jordaneze të Futbollit, i cili e cilësoi ditën e fundit të kongresit në Tokio si një aktivitet politik të iniciuar nga Infantino.
Gjatë takimit, presidenti i AFC-së, Sheikh Salman bin Ibrahim al-Khalifa, deklaroi se Azia është e bashkuar në mbështetje të kandidaturës së Infantinos. Por Princi Ali pretendon se delegatët nuk patën mundësi të ndërhynin, të bënin pyetje apo të diskutonin publikisht për këtë qëndrim.
“Mungesa e transparencës sjell mungesë llogaridhënieje. Presioni, kërcënimet apo ryshfetet e çdo lloji nuk duhet të tolerohen”, shkroi ai në rrjetin social X, duke ngritur pikëpyetje mbi mënyrën se si u sigurua mbështetja e federatave aziatike.
Kjo nuk është përplasja e parë mes Princit Ali dhe Infantinos. Në gusht, zyrtari jordanez e akuzoi kreun e FIFA-s për shantazh, duke pretenduar se organizata i kishte ofruar ndihmë Jordanisë për zgjidhjen e problemeve të saj në këmbim të mbështetjes për kandidaturën e tij.
Ndërkohë, mbështetja e AFC-së për Infantino-n forcon pozitat e tij për zgjedhjet e ardhshme presidenciale, ndërsa në Evropë vazhdojnë kritikat dhe ende nuk është shfaqur një kandidat alternativ me mbështetje të konsoliduar. Polemikat shtohen pas dështimit të projektit FIFA Forward Enterprise, i cili parashikonte përfshirjen e investitorëve privatë në kompeticionet e futbollit botëror.
