Kristian Shpendi ka marrë një vlerësim të rëndësishëm nga drejtori sportiv i Çezenës, Andrea Mançini. Ai...
SPORT
Conceiçao: Ronaldo shembull, por nuk jemi të detyruar që t’i pasojmë atij!
PiranjatPërditësimi i fundit 23 Qershor 2026, 10:50
Sulmuesi i Portugalisë, Francisco Conceiçao, ka dërguar një mesazh të qartë përpara ndeshjes së rëndësishme ndaj Uzbekistanit në Kupën e Botës 2026. Pas barazimit zhgënjyes 1-1 ndaj Kongos në ndeshjen hapëse, futbollisti i Juventusit theksoi se skuadra portugeze nuk ka më vend për gabime.
Duke folur nga grumbullimi i ekipit në Palm Beach, Conceiçao u shpreh se objektivi i vetëm i Portugalisë është fitorja, në mënyrë që të mos rrezikojë rrugëtimin në fazën e grupeve.
“Duhet të fitojmë me çdo kusht. Uzbekistani mbrohet shumë thellë dhe luan me pesë mbrojtës. Na takon neve të krijojmë raste, të futemi në zonë dhe të godasim drejt portës. Kemi cilësi të mëdha, por duhet t’i tregojmë në fushë”, deklaroi ai.
23-vjeçari theksoi se është plotësisht në dispozicion të trajnerit dhe se nuk ka rëndësi sa minuta luan, për sa kohë mund të kontribuojë për ekipin kombëtar.
“Jam këtu për të ndihmuar Portugalinë. Synimi ynë është të shkojmë sa më larg në këtë Botëror, por fillimisht duhet të sigurojmë rezultatet në grup. Nuk ka kuptim të mendojmë për fazat e ardhshme nëse nuk fitojmë ndeshjet që kemi përpara”, shtoi sulmuesi.
Conceiçao foli edhe për kapitenin Cristiano Ronaldo, duke e cilësuar si një shembull të jashtëzakonshëm për të gjithë futbollistët.
“Kur bëhet fjalë për të shënuar gola, nuk ka askush si Cristiano Ronaldo. Megjithatë, ne ia pasojmë topin lojtarit që është në pozicionin më të mirë dhe jo domosdoshmërisht atij. Cristiano mbetet një model për karrierën dhe mentalitetin e tij fitues. Nëse ai, pas gjithë atyre trofeve që ka fituar, vazhdon të ketë të njëjtën uri për sukses, atëherë ne duhet të kemi edhe më shumë”, u shpreh ai.
Portugalia do të përballet me Uzbekistanin e drejtuar nga Fabio Cannavaro, një emër legjendar i futbollit italian.
