Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
SPORT
Cristiano Ronaldo bën veprimin e pazakontë ndaj tifozit në Armeni, përballet me lumë kritikash (VIDEO)
PiranjatPërditësimi i fundit 6 Shtator 2025, 17:57
Futbollisti Cristiano Ronaldo është përballur me lumë kritikash pasi shtyu me forcë një z në kryeqytetin armen. Videoja qarkulloi menjëherë në internet, duke shkaktuar reagime të shumta.
Jo vetëm kaq, disa vënë në dyshim përgatitjet e Portugalisë për ndeshjen e saj të parë kualifikuese për Kupën e Botës. Pamjet, të filmuara jashtë hotelit të ekipit portugez në Jerevan, tregojnë Bernardo Silvën e Manchester Cityt duke dalë i pari, i ndjekur nga Ronaldo dhe lojëtarë të tjerë të skuadrës që shkojnë në stërvitje përpara ndeshjes së së shtunës kundër Armenisë.
Ndërsa lojtarët po dilnin, një grup tifozësh nxituan drejt tyre në mënyrë kaotike, për foto dhe autografe. Një nga tifozët iu afrua aq afër Ronaldos, sa ky i fundi u detyrua ta shtynte me forcë. Irritimi i dukshëm i lojtarit u kap në kamera dhe u përhap shpejt në rrjetet sociale.
Interesi për kapitetin portugez ishte i lartë që kurse mbërriti në Aeroportin Ndërkombëtar Zvartnots, ku turma tifozësh ishin mbledhur me shpresën për të parë nga afër.
Ronaldo, i cili luan për klubin saudit Al Nassr, do të bëjë paraqitjen e tij të 222-të ndërkombëtare në ndeshjen kualifikuese të së shtunës. Ai ka shënuar 138 gola në 221 ndeshje për Portugalinë, përfshirë një tregolësh kundër Armenisë gjatë fushatës kualifikuese të Euro 2016.
Me Portugalinë, ai ka fituar tre trofe të mëdhenj: Euro 2016 dhe dy edicione të Ligës së Kombeve UEFA në 2019 dhe 2025.
