Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
SPORT
Del në shitje stadiumi legjendar ‘Maracana’/ Ja arsyeja…
PiranjatPërditësimi i fundit 24 Tetor 2025, 08:47
Kompleksi i stadiumit “Maracana” në Rio de Janeiro është ndër pronat që qeveria shtetërore braziliane synon të shesë për të mbledhur fonde dhe për të shlyer një pjesë të borxhit të saj ndaj qeverisë federale.
Vendimi u mor nga Komiteti i Kushtetutës dhe Drejtësisë i Asamblesë Legjislative të Shtetit (ALERJ), i cili ndryshoi projektligjin e paraqitur nga Dega Ekzekutive duke shtuar 14 asete të reja në listë, përfshirë stadiumin brazilian të futbollit.
Presidenti i komisionit, Rodrigo Amorim, shpjegoi për mediat lokale se qëllimi është të zvogëlohen kostot që lidhen me pronat e nën-shfrytëzuara ose të shtrenjta.
“Qeveria paguan një pasuri për mirëmbajtjen e kompleksit Maracana, rreth një milion reais (160,000 euro) për ndeshje”. Projekti tani do të votohet nga Alerj në seancën e saj plenare.
Sipas ligjit të buxhetit të vitit 2026, shteti i Rio de Janeiro do të duhet t’i paguajë Brasilias gati dy miliardë euro (12.3 miliardë reais) vetëm në interesa borxhi dhe amortizim.
“Maracana” është stadiumi më ikonik në botë dhe ka pritur gjithashtu dy finale të Kupës së Botës.
E para, megjithëse teknikisht jo një finale, por ndeshja vendimtare finale e fazës së grupeve, u zhvillua më 16 korrik 1950 dhe pa një fitore historike 2-1 të Argjentinës ndaj Brazilit, në atë që u mbajt në histori si Maracanazo, tragjedia më e madhe në historinë e sportit brazilian.
Mbi tridhjetë njerëz – nga zhgënjimi, por edhe sepse kishin investuar shuma të mëdha parash duke vënë bast për fitoren e Brazilit – humbën jetën e tyre.
Vendi, i zhytur në një depresion të tmerrshëm, mbeti në zi për tre ditë të gjata.
Finalja e dytë u luajt në vitin 2014, me Gjermaninë që mposhti Argjentinën e Lionel Messit falë golit të Mario Gotze në minutën e 112-të.
