Një ngjarje e rëndë ka ndodhur në Tiranë, ku një person është gjetur i vrarë brenda automjetit të tij në ...
SPORT
INCIDENTI/ Dua Lipa ”ndërpret” konferencën për shtyp të Portugalisë
PiranjatPërditësimi i fundit 27 Qershor 2026, 18:58
Një incident i pazakontë shoqëroi konferencën për shtyp të Portugalisë përpara ndeshjes së fundit në fazën e grupeve të Kupës së Botës 2026 kundër Kolumbisë.
Për shkak të një problemi teknik, në stadiumin e Majamit u dëgjua me volum të lartë kënga “Don’t Start Now” e këngëtares Dua Lipa.
Situata shkaktoi të qeshura në sallë dhe ndërpreu përkohësisht konferencën.
Një zëdhënëse e FIFA i kërkoi falje trajnerit të Portugalisë, Roberto Martínez, për ndërprerjen.
Megjithatë, tekniku spanjoll e mori gjithçka me humor.
“Nuk ka problem. Duhet të kërcejmë. Ndoshta Dua Lipa bën tifo për Portugalinë”, tha Martínez, ndërsa ai dhe zëdhënësi i ekipit tundnin kokën në ritmin e muzikës.
Portugalia hyn në sfidën ndaj Kolumbisë me objektivin për të siguruar vendin e parë në Grupin K.
Aktualisht, portugezët ndodhen dy pikë pas amerikano-latinëve pas dy ndeshjeve të para.
Pas fitores bindëse 5-0 ndaj Uzbekistanit, Martínez u shpreh se skuadra dëshiron të shfrytëzojë momentin pozitiv të asaj ndeshjeje.
“Të kesh një kapiten me përvojën e gjashtë Kupave të Botës është padyshim një avantazh. Por nuk duhet harruar se kemi edhe kapitenin e ‘Manchester United’, kapitenin e ‘Portos’ dhe lojtarë nga ‘Manchester City’ e ‘Paris Saint-Germain'”, përfundoi Martínez.
