Dy efektivë policie kanë mbetur të lënduar pas një aksidenti të ndodhur ditën e djeshme, 28 gusht, në Kamëz, ku a...
SPORT
“Jemi të motivuar, të përshtatemi sa më shpejt me Maran”, Gjimshiti para Izraelit: Pres ndeshje të mirë, kemi ekip të fortë
PiranjatPërditësimi i fundit 2 Qershor 2026, 17:03
Pas dështimit në Play off të Botërorit, Shqipëria do të zbresë sërish në fushë, këtë herë në një miqësore. Para miqësores me Izraelin, kapiteni Berat Gjimshiti u shpreh se skuadra duhet të përshtatet sa më shpejt që të jetë e mundur me skemat e trajnerit të ri, Maran.
Atmosferë e zymtë në Kombëtare, si e sheh si kapiten?
Siç shkoi gjithë rrugëtimi, të gjithë ishim të bindur që do të ishte shumë e bukur për ne si Kombëtare, si vend, si shtet. Por është fillim i ri, me një staf të ri. Jemi të gjithë shumë të motivuar. I gjithë grupi është i njëjti me disa lojtarë të rinj. Jemi stërvitur mirë.
Idetë e trajnerit të ri?
Nuk është e thjeshtë, por idetë janë të qartë. Me aq pak kohë sa kemi pasur, kemi provuar të kuptojmë trajnerin në këtë cikël të ri. Sa më shumë kohë kalon, aq më mirë bëhet. Jemi të gatshëm të bëjmë atë që kërkon trajneri dhe të japim gjithçka në fushë.
Sa të vështirë do e ketë të vështirë trajneri për filozofinë italiane?
Çdo trajner ka idetë e reja, ashtu siç i kishte Sylvinho. Trajneri të na japë mendimet që ka marrë për këtë cikël dhe e gjitha është tek ne, që të bëjmë në fushë atë që kërkon trajneri.
E ke menduar sa gjatë do të vazhdosh në Kombëtare?
S’e kam menduar akoma. Është sinjal pozitiv, shpresoj që do të luaj edhe disa vite. Trupi është gati që të luajë në nivele të larta. Mund të marr vendimin më vonë, por momentalisht s’po e mendoj këtë gjë.
Çfarë ka ndryshuar me Maran?
Taktika ndryshon, pozicioni në fushë ndryshon. Siç e thashë nuk është e thjeshtë që brenda 2-3 ditëve të bësh disa gjëra. Ai është marrë me gjërat më të rëndësishme të momentit, që t’i bëjmë në fushë.
Strategji speicifike nga Maran për një frymë ndryshe?
Sigurisht që po. Siç e thashë, brenda këtyre ditëve kemi pasur pak kohë, por idetë janë të qarta. Është trajneri vetë që do të flasë për strategjinë. Shpresoj të bëjmë ndeshje të mira në këto dy miqësore. Izraeli ka pasur një rritje në kohët e fundit, kështu është një skuadër teknikisht e mirë, sidomos në sulm.
Berati si lider, e sheh grupin si të duhurin për të bërë mirë me Maran?
Nuk është e thjeshtë që në fund sezoni, një sezon i gjatë për të gjithë. Por me një frymë të re, me trajner të ri, të gjithë lojtarët duan të tregojnë veten për vend në Kombëtare. Nuk është gjë normale që të vish në Kombëtare, të veshësh këtë fanellë. Energjia është shumë pozitive, përsëri do të synojmë sa më lart dhe sa më mirë.
