Detaje të reja kanë dalë në dritë nga ngjarja e rëndë e regjistruar mbrëmjen e 20 tetorit në zonën e Komun&e...
SPORT
Kthesë e bujshme në merkato, befasohet Inter, Marco Palestra shkon te Chelsea
PiranjatPërditësimi i fundit 24 Qershor 2026, 13:12
Një kthesë e bujshme ka tronditur tregun e transferimeve dhe planet e Interit për sezonin e ri. Kur gjithçka dukej e mbyllur për kalimin e Marco Palestrës në Milano, në skenë ka hyrë fuqishëm Chelsea, duke ndryshuar rrjedhën e negociatave.
Klubi zikaltër kishte arritur një marrëveshje paraprake me lojtarin, me një kontratë që parashikonte rreth 3 milionë euro në sezon. Megjithatë, oferta e ardhur nga Londra ka rezultuar vendimtare. Chelsea i ka propozuar talentit italian një kontratë gjashtëvjeçare me vlerë 5 milionë euro neto në sezon, plus bonuse të konsiderueshme, një paketë financiare që ka ndryshuar ekuilibrat e garës.
Jo vetëm kaq. Drejtuesit e klubit anglez kanë bindur edhe Atalantën, duke paraqitur një ofertë prej 55 milionë eurosh plus bonuse, si dhe 10 për qind nga një transferim i ardhshëm i futbollistit. Një propozim që ka marrë menjëherë dritën jeshile nga klubi bergamask.
Tashmë mbetet vetëm finalizimi i marrëveshjes mes Chelseat dhe përfaqësuesve të lojtarit. Palët pritet të zhvillojnë kontaktet e fundit për të vulosur akordin, përpara se futbollisti të udhëtojë drejt Londrës për vizitat mjekësore dhe procedurat zyrtare.
Nga ana tjetër, Interi duket se ka mbetur në pritje dhe deri në këto momente nuk raportohet për një kundërofertë të re, qoftë për kartonin e lojtarit apo për kushtet financiare të kontratës.
Nëse nuk do të ketë surpriza të minutës së fundit, Marco Palestra është shumë pranë transferimit te Chelsea, në atë që pritet të jetë një nga lëvizjet më të rëndësishme të kësaj vere në futbollin europian.
