Abdul Ballout, 21 vjeçari i cili dyshohet se kreu sulmin terrorist në Berlin, është vrarë këtë të diel, 26 korrik, g...
SPORT
Levandovski rreth rekordit të tij: Falë Kejnit ndihem edhe më krenar
PiranjatPërditësimi i fundit 8 Mars 2026, 18:08
Robert Levandovski mund të tejkalohet si golashënuesi më i mirë i të gjitha kohërave në Bundesligë në fund të sezonit. Sulmuesi i Barcelona ka respekt të madh për rivalin e tij më të afërt, Herri Kejn. Herri Kejn ka vetëm nëntë ndeshje Bundesliga të mbetura duke supozuar se sulmuesi i Bajernit do të jetë i gatshëm të luaj javën e ardhshme në Leverkusen, për të thyer rekordin e golave në elitën e futbollit gjerman.
Pra, a po merr frymë lehtësisht Robert Levandovski? Mbajtësi aktual i rekordit duket mjaft i qetë për këtë gjë dhe ka lavdëruar rivalin e tij. “Herri Kejn gjithmonë shënon shumë gola, luan shumë mirë dhe bën një punë të shkëlqyer,” tha sulmuesi.
Vëmendja e rinovuar ndaj rekordit të tij e bëri gjithashtu 37 vjeçarin të kuptoj “se e arrita këtë në 29 ndeshje. Nëse do të kisha luajtur 34 ndeshje, imagjinoj se do të kisha shënuar edhe më shumë gola.” Levandovski përfundoi sezonin 2020/21 me 41 gola, pasi kishte humbur 4 ndeshje midis javëve 27 dhe 30 për shkak të një dëmtimi. Kejn, nga ana tjetër, ka luajtur në çdo ndeshje deri tani këtë sezon dhe ka shënuar 30 gola në 24 paraqitje. Levandovski kishte 31 gola në të njëjtin moment të sezonit. “Falë Kejnit, tani mund të ndihem edhe më krenar për rekordin tim,” thotë Levandovski.
Kur u pyet për sekretin për të qenë një golashënues i mirë, polaku i referohet indirekt “gjenit” të famshëm të sulmuesit. “Nuk mund të mësohesh të jesh një sulmues i mirë në një akademi,” thotë Levandovski. “Duhet të jesh i ndryshëm. Duhet të mendosh ndryshe.” Ai sheh këto cilësi tek më pak dhe më pak futbollistë të rinj profesionistë, të cilët trajnohen në akademitë e klubeve të mëdha duke përdorur një qasje “kopjo dhe ngjit”, siç thotë Levandovski: “Si në një fabrikë.” Vetë ai ka nevojë për një shkallë të caktuar lirie në fushë, “atëherë mund të jap performancën time më të mirë.” Që nga bashkimi me Barcelonën në verën e 2022, Levandovski ka shtuar edhe 102 gola të tjerë në totalin e tij mbresëlënës me 160 paraqitje për klubin katalanas.
