Në tregun e këmbimit valutor shqiptar, një dollar amerikan do të blihet sot me 81.3 lekë dhe do shitet me 82.3 lekë.
Ndërk...
SPORT
Pamjet që po bëjnë xhiron e Botës/ “Si plak i dehur në pub”, shikoni si e shpërfillin Vinícius dhe Bruno Guimarães Neymarin në fushë!
PiranjatPërditësimi i fundit 14 Qershor 2026, 14:27
Tensioni te Brazili duket se ka kaluar kufijtë e taktikës në fushë.
Një video virale e shpërndarë me shpejtësi në rrjetet sociale po tregon se hierarkia brenda dhomave të zhveshjes së “Seleçaos” mund të ketë ndryshuar përfundimisht, dhe viktima e kësaj është vetë Neymar.
Gjatë pushimit të detyrueshëm për hidratim (hydration break) për shkak të vapës mbytëse, Neymar, i cili ndodhej jashtë fushës, u afrua pranë skuadrës duke tentuar të merrte rolin e trajnerit. Ai nisi t’u jepte instruksione dhe këshilla me zë të lartë dy yjeve kryesorë të ekipit, Vinícius Júnior dhe Bruno Guimarães.
???????? Neymar was handing out instructions to Vinícius Júnior and Bruno Guimarães in the hydration break and it looks like they couldn’t care less that he’s there.
Ajo që ka shkaktuar të qeshura dhe habi në rrjet është reagimi i dy futbollistëve. Si Vinícius ashtu edhe Guimarães u shfaqën totalisht indiferentë, duke pirë ujë dhe duke parë nga ana tjetër, pa e kthyer kokën asnjë sekondë nga ish-lideri i tyre. Sjellja e tyre linte të kuptohej qartë se nuk u interesonte aspak ajo që Neymar po u thoshte.
Komentet epike në rrjet: Ndërsa pamjet po bëjnë xhiron e botës, fansat e futbollit në platformën ‘X’ (ish-Twitter) nuk i kanë kursyer ironitë. Krahasimi më viral i orëve të fundit e përshkruan skenën në mënyrë epike: “Neymar dukej fiks si ai plaku i dehur në pab që u jep këshilla për jetën të gjithëve, por askush nuk ia vë veshin!” Ky moment tregon qartë se te Brazili i ri, brezi i ri i udhëhequr nga Vinícius Jr nuk dëshiron më të jetë në hijen e “shfaqjeve” të Neymarit, duke shtuar edhe më shumë zërat për një krizë të brendshme autoriteti në kombëtare.
