Erjon Vishkulli, i riu që mbeti i plagosur në sy nga një plumb gome gjatë protestës, ka pësuar hemorragji gjatë ndërhy...
SPORT
Iu kërkua testi i gjinisë nga FSHV/ Zbulohet ankesa e klubit të Pogradecit për volejbollisten Nayara Ferreira
PiranjatPërditësimi i fundit 30 Tetor 2025, 10:29
Një lajm i bujshëm përgjatë ditëve të fundit ishte lajmi i pezullimit i volejbollistes braziliane, Nayara Ferreira, për shkak se i është kërkuar testi i gjinisë.
Së fundmi ka pasur reagim edhe nga Pogradeci, që është edhe një prej ekipeve ka bërë kërkesë në federatë për testimin lojtares së Dinamos. Dorian Latifllari, administratori i skuadrës liqonere, ka folur për pozicionin e Pogradecit në këtë çështje.
“Ne jemi anëtarë të Federatës Shqiptare të Volejbollit dhe si çdo anëtarë të kësaj federtate, kemi të drejtë të kërkojmë pranë kësaj federatë dhe të ngremë dyshime në lidhje me sportivitetin e një lojtareje, apo të një ekipi. Ne kemi ngritur një çështje që është komplet sportive dhe saktësisht kemi kërkuar nga FSHV që për lojtaren në fjale në nga pamjet që kemi hasur kur ajo ka zhvilluar ndeshje me ekipet e tjera, kërkojmë për këtë lojtare një analizë specifike për të vërtetuar nëse kjo volejbolliste është e përshtatshme për të luajtur në këtë kategori dhe për të kontrolluar mbase edhe avantazhet e padrejta që kjo lojtare mund të përfitojë ndaj lojtareve femra.
Këtu kam parasysh që mund të kemi përdorimin e substancave, të cilat janë të ndaluara nga rregulloret e federatave ndërkombëtare sportive, apo terapi të ndryshme hormonale që shumë lojtare sot ne I kemi parë nëpër media që po i përdorin rregullisht”, shprehet fillimisht drejtuesi i ekipit pogradacar, i cili më tej shton: “Së pari ne kërkesën e kemi bërë para ndeshjes që do të luanim me Dinamon, më datën 11 tetor. Kemi parë ndeshjet që Dinamo ka zhvilluar me ekipet e tjera kundërshtare. Kemi parë që ajo ka disa të dhëna të cilat mund të jenë të ndryshme nga të dhënat e lojtareve që marrin pjesë në këtë kategori. Kemi ngritur disa dyshime, për të cilat është e drejta jonë që t’i ngremë dhe thjesht presim që të na i vërtetojë federate”.
Latifllari më pas thekson se Pogradeci e ka mundur Dinamon edhe me Nayara Ferreirën në parket, duke i përgjigjur kështu personave që kanë hedhur baltë mbi skuadrën liqenore: “Mënyra sesi kjo çështje është trajtuar dhe balta që mendon të hidhet mbi ekipin e Pogradecit për shkak se skuadra jonë sot është në vendin e parë, dua të theksoj se në ndeshjen kundër Dinamos, kundërshtaret ishin me ekip të plotë, ku ka luajtur edhe lojtarja në fjalë, Pogradeci fitoi me rezultatin 3-2, edhe falë mbështetjes së jashtëzakonshme të qytetarëve pogradecarë. Pallati i sportit ishte i mbushur plot, ajo fitore është e gjitha meritë e skuadrës, e vajzave të Pogradecit, të cilat sot po gjykohen nga opinioni i gjerë se skuadra jonë po fiton me metoda jo sportive, gjë që nuk është aspak e vërtetë. Ne e mundëm Dinamon në fushën tonë me ekip të plotë”, përfundon Latifllari.
