Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
SPORT
Salah-De Bryjn, “tangoja e fundit”! Beteja e mbrëmjes në Amerikë do të jetë e veçantë
PiranjatPërditësimi i fundit 15 Qershor 2026, 14:50
Për dy legjenda që po plaken dhe që kanë zhvilluar një rivalitet epik për vite me radhë, Kupa e Botës mund të sjellë një duel të fundit.
Jo Kristiano Ronaldo dhe Lionel Mesi, ose jo domosdoshmërisht, duke marrë parasysh rezultatet e nevojshme që Portugalia dhe Argjentina mund të përballen në çerekfinalen në Kansas Siti, por Kevin De Bryjn dhe Mohamed Salah.
ta janë përballur në Community Shield, në Champions League dhe në Carabao Cup, por rivaliteti i tyre është kryesisht një betejë e Premier League. Tani, në veriperëndim të Shteteve të Bashkuara dhe jo në veriperëndim të Anglisë.
Ata takohen në Siatëll si kapitenë të Belgjikës dhe Egjiptit dhe, ndoshta, si dy nga lojtarët më të mirë të Premier League të dekadës së fundit.
Ka argumente për Herri Kane dhe Virgil van Dijk, dhe një për Erling Haland që bazohet në një qëndrim më të shkurtër në ligë, por De Bryjn dhe Salah kanë kombinuar kreativitetin me klas, asistet me golat, trofetë me madhështinë, arritjet individuale me suksesin kolektiv. Ekziston edhe një emërues tjetër i përbashkët.
Çelsi mund të jenë të lehtësuar që këto talente nuk përballen më shpesh; kjo u shmang atyre kujtimeve të sikletshme për atë që kishin dhe humbën kur Hoze Mourinjo tregoi hezitim për t’i aktivizuar. De Bryjn luajti vetëm dy ndeshje në Premier League për ta.
Salah shënoi vetëm dy gola, krahasuar me qindra që më pas i shënoi për Liverpul FC. Ekziston një histori alternative ku, pavarësisht Sheikh Mansur apo Mikael Eduards, Pep Guardiola apo Jurgen Klop, Çelsi do të ishte forca dominuese në Angli gjatë dekadës së fundit, nëse do t’i kishin mbajtur De Bryjn dhe Salah.
Në vend të kësaj, ndikimi i tyre ishte i jashtëzakonshëm. Salah shënoi 257 gola dhe dha 122 asistime për Liverpulin, ndërsa De Bryjn regjistroi 108 gola dhe 170 asistime për Mançester Siti. Belgu barazoi rekordin për asistet në një sezon të Premier League me 20, derisa Bruno Fernandes e tejkaloi atë.
Salah mbetet në krye të statistikave të kontributeve në gola me 47 në një sezon (29 gola dhe 18 asistime). Skuadrat e tyre, në periudha të ndryshme, kanë arritur 100, 99, 98 dhe 97 pikë në sezon. Duke analizuar epokat e dy trajnerëve të mëdhenj, është pothuajse e padiskutueshme që Salah ishte lojtari më i mirë i Klop te Liverpul, ndërsa De Bryjn ishte ndoshta më i miri i Guardiolës te Siti.
Madje, belgu u konsiderua lojtari më i madh në historinë e Mançester Sitit. Salah, ndërkohë, u ngjit në një vend shumë të lartë në historinë e Anfi eld, ndoshta vetëm pas Keni Dalglish dhe Steven Xherrard. Në një ligë që shpesh ka qenë më e forta në botë dhe më e pasura për vite me radhë, ata dominuan çmimet individuale.
Mes tyre, u shpallën Lojtari i Vitit në 2018, 2022 dhe 2025, si dhe PFA Player of the Year në 2018, 2020, 2021, 2022 dhe 2025. Çmimet që nuk i fi tuan erdhën në formën e njohjes më të gjerë globale. Asnjëri nuk iu afrua Topi i Artë (Ballon d’Or).
Lionel Mesi është një arsye për këtë, por edhe Kristiano Ronaldo. Gjithashtu ndikoi fakti që secili fi toi vetëm nga një Champions League dhe, më e rëndësishmja, mungesa e tyre në momentet vendimtare të fi – naleve për shkak dëmtimesh.
Salah u dëmtua në fi nalen e parë, ndërsa De Bryjn në të dy finalet e tij. Ndoshta arsyeja është edhe se ata vijnë nga vende që nuk janë superfuqi tradicionale futbolli, dhe u mungon suksesi ndërkombëtar me kombëtaren.
Salah ka qenë nënkampion i Kupës së Afrikës, ndërsa De Bryjn ka përfunduar i treti në Kupën e Botës. De Bryjn pati një paraqitje të jashtëzakonshme në Botërorin 2018, veçanërisht ndaj Brazilit në çerekfinale.
Në vitin 2022 ai pranoi se “gjenerata e artë e Belgjikës ka mbaruar”. Edhe në 2026 ai është ende aty, edhe pse emra si Eden Hazard, Vinsent Kompani, Jan Vertongen dhe Tobi Alderueireld janë larguar. Rrugëtimi i Salah në Kupën e Botës ka qenë më i shkurtër.
Ai u dëmtua në 2018 pas një ndërhyrjeje të Serxhio Ramos, ndërsa Egjipti nuk u kualifi – kua në 2022. Për të, 2026 mund të jetë Botërori i tij më i mirë. Shpresa është që në këtë takim të fundit të shihen versionet më të mira të tyre:
Salah që depërton me shpejtësi dhe godet me të majtën, dhe De Bryjn që jep pasime të gjata dhe asistime të jashtëzakonshme. Ndoshta sezoni i fundit në Premier League ishte një dëshmi e kësaj mungese.
Liga u bë më e varfër në lojtarë superyje dhe më e varur nga golat nga goditjet standarde. Mbase ata ishin thjesht përjashtime të jashtëzakonshme që i bënin skuadrat e tyre të dukeshin më të mira. Secili do të kishte fituar më shumë nëse tjetri nuk do të ekzistonte.
Dhe tani ambiciet e Salah mund të përballen për herë të fundit me De Bryjn, ose anasjelltas. Por ndërsa karrierat e tyre afrohen drejt fundit, nostalgjia në Mançester dhe Liverpul mbetet e madhe.
Një epokë ka përfunduar, por vitet Salah– De Bryjn ishin të mbushura me gola dhe madhështi. /Panorama Sport/
