Një aksident rrugor është regjistruar mesditën e sotme në aksin Fier–Seman , në afërsi të vendit té quajt...
SPORT
“Sekreti i Argjentinës? Ne argëtohemi”/ Nga rekordet te 39-vjetori, rrëfehet Messi: Fëmijët e mi tani e kuptojnë ç’po ndodh, ishte një karrierë e gjatë…
PiranjatPërditësimi i fundit 24 Qershor 2026, 15:41
Argjentinasi u shfaq në zonën e përzier më shumë se dy orë e gjysmë pas ndeshjes, duke ndalur për të folur me gazetarë nga e gjithë bota.
Ai dukej i qetë, i lirë dhe më i hapur se kurrë, duke reflektuar një version më të pjekur të vetes, larg presionit dhe krahasimeve të së kaluarës.
“Ne argëtohemi së bashku, ky është sekreti ynë. Na pëlqen të jemi së bashku, të luajmë së bashku, të fitojmë së bashku”, tha Messi, duke theksuar harmoninë brenda ekipit argjentinas.
Ai shtoi se suksesi i skuadrës lidhet edhe me mbështetjen e tifozëve në Argjentinë: “Ne e bëjmë edhe për njerëzit tanë. Ata në Argjentinë jetojnë dhe vuajnë për ekipin. E di që e shohin ndeshjen në shkolla, në punë. Edhe ata që vijnë këtu, bëjnë sakrifica. Ne ndiejmë detyrimin t’u japim sërish gëzim.”
I pyetur nëse skuadra është e ngopur pas triumfit në Kupën e Botës në Katar, Messi u shpreh: “Pavarësisht asaj që thonë njerëzit, kjo skuadër nuk ka më asgjë për të provuar. Ata kanë treguar prej vitesh se nuk dorëzohen kurrë. Por ne duam të fitojmë përsëri. Për këtë jemi këtu.”
Duke folur për rivalët kryesorë si Franca, Spanja dhe Brazili, Messi theksoi fokusin e skuadrës: “Po mendojmë vetëm për veten tonë. E dimë që është më e vështirë se herën e kaluar, por po e marrim ndeshje pas ndeshjeje, duke u argëtuar në stërvitje. Jemi një familje.”
Messi foli edhe për periudhën e vështirë familjare, duke falënderuar bashkëshorten dhe fëmijët: “Kam një grup të shkëlqyer shokësh skuadre dhe jam shumë mirënjohës. Fëmijët e mi tani e kuptojnë më mirë çfarë po ndodh. Pa familjen time, Antonelën, fëmijët dhe babain tim, nuk do të kisha arritur këtu.”
I pyetur për penalltinë e humbur, Messi tha: “Po, ishte një gjuajtje e keqe. U zemërova me veten, por arrita ta kompensoja. Ndoshta nëse do ta shënoja, nuk do të shënoja dy golat e tjerë. Më e rëndësishmja është fitorja e ekipit.”
Në lidhje me përqendrimin në fazën tjetër të turneut, ai u shpreh: “Jo. Ditë pas dite, ndeshje pas ndeshjeje. Kjo është mënyra e vetme për të fituar Kupën e Botës.”
Duke reflektuar mbi karrierën e tij, Messi tha: “Ka qenë një karrierë e gjatë, me gjëra të bukura dhe të vështira. Jam mirënjohës për gjithçka. Por ende nuk ka mbaruar…”
I pyetur për krahasimet me legjenda të tjera, ai u shpreh: “Unë kam qenë më me fat, nuk kam pasur dëmtime të mëdha. Ronaldo Fenomeni pati shumë probleme fizike, por bëri gjëra të pabesueshme.”
Messi mohoi çdo ide për ulje të nivelit pas kalimit në Miami: “Nuk kam ndaluar kurrë së garuari për të fituar. Nuk mendoj për moshën. Një ditë trupi im do të më thotë të ndalem, por ajo ditë nuk ka ardhur ende.”
I pyetur për golin më të bukur në Kupën e Botës, ai tha: “Nuk i mbaj mend të gjitha, do t’i shikoja sërish.”
Ndërsa për ditëlindjen e tij të 39-të, Messi u përgjigj: “Shëndeti i njerëzve të afërt me mua dhe të vazhdoj të argëtohem në fushë sa më shumë që të jetë e mundur.”
Trajneri i Ghana national football team, Carlos Queiroz, ka kritikuar ashpër arbitrimin pas barazimit 0-0 ndaj England national football team në nde...
