Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
SPORT
U la 90 minuta në stol, Bomba e Salahut: Dikush nuk më do te Liverpooli
PiranjatPërditësimi i fundit 7 Dhjetor 2025, 08:20
Aston Villa ia vuri flakën garës për titullin e Premier Ligës, duke e mposhtur Arsenalin 2-1 në fillim të pasdites, por vonë në mbrëmje një zjarr i ri shpërtheu në Mbretërinë e Bashkuar dhe më konkretisht në Leeds.
Atje, Liverpool, megjithëse udhëhiqte 0-2 (në minutën e 50-të) dhe 2-3 (në minutën e 80-të), përfundoi duke barazuar 3-3 me Leeds me Mohamed Salah që e ndoqi të gjithë ndeshjen nga stoli, pasi për herë të parë në karrierën e tij ai mbeti jashtë formacionit titullar për një ndeshje të tretë radhazi (ai nuk luajti fare kundër West Ham, u zëvendësua kundër Sunderland dhe nuk luajti dje).
Egjiptiani u admirua nga tifozët e Liverpulit, të cilët e duartrokitën, dhe në zonën e përzier ai e ndezi... ndeshjen dhe e zhbllokoi atë. "Nuk mund ta besoj që jam ulur në stol për 90 minuta", tha Salah, duke shtuar: "Herën e tretë në stol, mendoj për herë të parë në karrierën time.
Jam shumë, shumë i zhgënjyer. Kam bërë kaq shumë për këtë klub gjatë viteve, dhe veçanërisht sezonin e kaluar. Tani jam ulur në stol dhe nuk e di pse."
Ai këmbënguli se Liverpooli po e trajton sikur të ishte ai fajtor për gjithçka... "Më duket sikur më kanë hedhur poshtë (red. Kjo metaforë do të thotë se po më sakrifikojnë që të dukem si djali i keq). Kështu ndihem unë. Mendoj se është shumë e qartë se dikush dëshiron që unë të marr të gjithë fajin."
Edhe pse ai refuzoi të emëronte se kush ishte, deklarata e tij nënkuptonte qartë se marrëdhëniet e tij me ekipin ishin përkeqësuar. Salah ka shënuar katër gola në Premier League këtë sezon, njëri prej të cilëve me penallti, dhe është kritikuar për mungesën e punës mbrojtëse, ndërsa Liverpooli po përpiqet të mbrojë titullin.
Megjithatë, ai është qartësisht i lënduar nga fakti që klubi e fajëson për formën e dobët dhe mendon se Liverpooli e ka zhgënjyer pasi i ka zgjatur kontratën në verë.
