Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
SPORT
Vlerësim fantastik për Medon Berishën, lojtari me i mirë i javës së 10-të në Seria A
PiranjatPërditësimi i fundit 4 Nëntor 2025, 15:21
Fundjava e javës së 10-të të Serie A ka folur shqip! Futbollisti i kombëtares shqiptare, Medon Berisha, është shpallur më i miri i javës sipas portalit prestigjioz italian Tuttomercatoweb, duke marrë notën më të lartë, 8.
Berisha ishte protagonisti absolut në fitoren historike të Lecce-s në transfertë ndaj Fiorentinës, ku realizoi golin vendimtar që i dha skuadrës së tij tri pikë të arta.
Falë paraqitjes së shkëlqyer, ai është përfshirë në formacionin ideal të javës në kampionatin italian.
Në “Top 11”-n e zgjedhur nga Tuttomercatoweb, Lecce është skuadra më e përfaqësuar, me disa futbollistë mes më të mirëve, ndërsa Berisha është shpallur lojtari i javës.
Në të njëjtën skuadër ideale janë përfshirë edhe emra si Mike Maignan (Milan), që ndali një penallti të Dybala-s, dhe Strahinja Pavlovic, i cili shënoi golin e dytë të tij sezonal për Milanin.
Berisha po konfirmon formën e tij të jashtëzakonshme këtë sezon, duke u bërë një pikë referimi për Lecce-n dhe një sinjal shumë pozitiv për trajnerin Sylvinho në prag të ndeshjeve të ardhshme të Kombëtares shqiptare.
“Një performancë perfekte – energji, teknikë dhe vendosmëri. Berisha po bëhet zemra e Lecce-s,” shkruan Tuttomercatoweb.
Formacioni më i mirë (4-2-3-1)
Danilo Veiga (Lecce) 7 Leo Ostigard (Genoa) 7 Strahinja Pavlovic (Milan) 7.5 Juan Miranda (Bologna) 7
Ruslan Malinovskyi (Genoa) 7.5 Ylber Ramadani (Lecce) 7
