Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
SOCIALE
"Beer Tanning"/ Të përdorësh birrë për nxirje tashmë virale në TikTok, por çfarë thonë ekspertët?
S.BPërditësimi i fundit 13 Korrik 2024, 13:39
foto ilustruese
Platforma sociale TikTok është e mbushur plot me triqe bukurie por jo gjithmonë secila prej tyre ka efekt. Një nga tendencat më të fundit të bukurisë që u shfaq në platformë është “Beer Tanning” ose në shqip nxirja e trupit përmes birrës.
Hashtag-u #beertan ka pothuajse 300,000 shikime dhe përfshin video të njerëzve që lyejnë trupin e tyre me birrë përpara se të dalin në diell. Por ekspertët e kujdesit të lëkurës nuk bien fare dakord me këtë trend.
Dr. Rutsnei Schmitz, dermatolog kozmetik në Dubai Cosmetic Surgery, e përshkruan trendin në healthline.com si "katastrofik". Problemi i parë me trendin është se është shpikur nga njerëz që nuk janë ekspertë të kujdesit të lëkurës.
Problemi i dytë, më i madh dhe më serioz është se ofron mbrojtje zero nga rrezet e dëmshme të diellit.
“Problemi me këtë trend është se nëse nuk përdorni krem kundër diellit dhe aplikoni vetëm birrë në lëkurë, nuk po e mbroni fare atë” paralajmëron eksperti.
“Gjithashtu, nëse e aplikoni mbi një krem natyral kundër diellit, i cili vepron si një pengesë për të mbrojtur lëkurën, ekziston një rrezik i madh që të lagni dhe hiqni kremin kundër diellit që sapo keni vënë, dhe për këtë arsye të mbeteni përsëri pa mbrojtje nga dielli”.
Ashtu si Schmitz, Dr. Katherine Armour, dermatologe dhe themeluese e Bespoke Skin Technology, beson se ky trend është jashtëzakonisht i rrezikshëm.
“Ideja për të lënë birrë të qëndrojë në lëkurën tuaj është absolutisht çmenduri” thotë ajo. “Është komentuar se disa përbërës tek birra stimulojnë melanocitet e lëkurës për të prodhuar më shumë melaninë, gjë që çon në nxirje. Megjithatë, kjo nuk është studiuar sistematikisht dhe deri më tani është thjesht një mit.”
Si të qëndroni të sigurt në diell?
Zgjidhja më e mirë është të mos i ekspozohesh atij, por në vendin ku jetojmë është e pamundur. Për më tepër, jo të gjitha rrezet e diellit janë të dëmshme. Pra, si mund ta mbroni veten?
Schmitz thotë se duhet të përdorni gjithmonë krem kundër diellit me SPF 30 ose më të lartë nëse planifikoni të qëndroni jashtë për më shumë se 20 minuta. Këtu përfshihen edhe ditët me re.
Do t'ju duhet rreth një lugë çaji produkt për çdo zonë të trupit, për shembull, fytyrën, qafën, veshët dhe secilën nga duart tuaja. Duhet ta riaplikoni çdo dy orë dhe pas notit dhe djersitjes.
Pavarësisht nga ajo që mund të thonë disa njerëz në TikTok, birra nuk duhet të përdoret kurrë si një ndihmë për nxirje. Në vend të kësaj, vendosni kremin kundër diellit dhe ruajeni birrën për ta shijuar teksa e pini me miqtë në këto ditë përvëluese.
