Një aksident rrugor është regjistruar mëngjesin e sotëm në Kukës, në vendin e quajtur “Lugina e Drinit të Zi&...
POLITIKE
AFP: Protesta të reja kundër qeverisë në kryeqytetin e Shqipërisë
PiranjatPërditësimi i fundit 31 October 2026, 21:07
Protestues të maskuar hodhën gurë dhe bomba molotov drejt policisë të shtunën në Tiranë, gjatë një proteste të re kundër qeverisë, ku kërkohej dorëheqja e kryeministrit Edi Rama.
Protestat, të cilat nuk kanë një organizim apo drejtues të vetëm, nisën në mënyrë paqësore në muajin maj, për shkak të pakënaqësisë ndaj korrupsionit të perceptuar. Shkëndija e parë ishte kundërshtimi i një projekti për ndërtimin e një hoteli luksoz në një zonë të mbrojtur natyrore.
Që nga mesi i tetorit, protestat janë shndërruar në një valë tubimesh, shpeshherë të dhunshme, ku qytetarët shprehin pakënaqësinë edhe për problemet në sistemin shëndetësor dhe mungesën e perspektivës për të rinjtë.
Protesta e së shtunës nisi në mënyrë paqësore, pavarësisht shiut, përpara Ministrisë së Arsimit në Tiranë. Por më pas, dhjetëra të rinj nisën të gjuanin me gurë dhe bomba molotov drejt policisë, si dhe u vunë flakën koshave të mbeturinave.
Policia ndërhyri me dy autobotë uji për të shpërndarë protestuesit.
Ai tha se 269 persona nën moshën 18 vjeç ishin arrestuar.
Të mërkurën, qeveria ashpërsoi masat ndaj protestave, duke vendosur gjoba deri në 5500 euro për pjesëmarrësit që përfshihen në akte dhune. /AFP
