Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Abuzim virtual ndaj 18-vjeçares, 3 persona në kërkim për profilin e rremë
PiranjatPërditësimi i fundit 27 Shtator 2025, 15:37
Drejtoria Vendore e Policisë Tiranë ka shpallur në kërkim tre shtetas të dyshuar për hapjen e një profili fals me të dhënat e një vajze 18 vjeçare. Specialistët për Hetimin e Krimeve Kibernetike po punojnë për kapjen e tyre dhe zbardhjen e plotë të rastit.
Në Komisariatin Nr. 1 janë referuar raste të tjera, duke nisur procedime penale për një shtetas që dyshohet se ka goditur një tjetër, dy shtetas që dyshohet se nuk iu janë bindur urdhërave të policisë, dy shtetas të tjerë për një konflikt verbal mbi çështje pronësie, një person për goditje ndaj dy shtetasve dhe një tjetër për kanosje ndaj një shtetasi.
Në Komisariatin Nr. 3 janë arrestuar dy shtetas për ushtrim dhune ndaj bashkëshorteve dhe një tjetër për goditje ndaj një shtetasi, ndërsa janë referuar materialet për dy shtetas të tjerë për kanosje.
Në Komisariatin Nr. 5 janë referuar materialet për tre shtetas të dyshuar për një konflikt fizik dhe në Komisariatin Nr. 6 është shpallur në kërkim një shtetas për vjedhje. Po ashtu, një ngjarje e rëndë ka ndodhur në rrugën “Dervish Luzha”, ku një shtetas ka humbur jetën për shkak të një arresti kardiak gjatë drejtimit të automjetit. Më datën 27.09.2025, është raportuar një lëndë e dyshuar si lëndë plasëse në oborrin e një banese dhe hetimet për këtë rast janë duke vazhduar.
Materialet janë referuar Prokurorisë së Tiranës për veprime të mëtejshme.
Njoftimi i policisë:
Drejtoria Vendore e Policisë Tiranë
Specialistët për Hetimin e Krimeve Kibernetike shpallën në kërkim shtetasit E. H., 20 vjeçe, K. H., 24 vjeçe dhe I. K., 23 vjeç, pasi në bashkëpunim me njëri-tjetrin kanë hapur një profil fals me të dhënat e një 18-vjeçare. Punohet për kapjen e tyre dhe dokumentimin e plotë të rastit.
Specialistët për Hetimin e Krimeve të Komisariatit Nr. 1 referuan materialet në Prokurori, ku nisi procedimi në gjendje të lirë për shtetasit: -A. L., pasi dyshohet se për motive të dobëta, ka goditur me grusht shtetasin B. B; -A. P dhe B. P., pasi dyshohet se nuk iu janë bindur urdhërave të ligjshëm të punonjësit të policisë; -G. J dhe F. J., pasi dyshohet se për motive pronësie janë konfliktuar verbalisht me njëri-tjetrin; -J. A., pasi dyshohet se për motive të dobëta ka goditur me grushte 2 shtetas; -N. C., pasi dyshohet se për motive të dobëta ka kanosur shtetasin Th. D.
Specialistët për Hetimin e Krimeve të Komisariatit Nr. 3: -arrestuan shtetasin A. S., 38 vjeç, pasi dyshohet se ka ushtruar dhunë ndaj bashkëshortes së tij; -arrestuan shtetasin L. Gj., 46 vjeç, pasi dyshohet se ka ushtruar dhunë ndaj bashkëjetueses së tij dhe më pas për motive të dobëta ka goditur një shtetas; -referuan materialet në Prokurori, ku nisi procedimi në gjendje të lirë për shtetasit M. L dhe M. T., pasi dyshohet se për motive të dobëta kanë kanosur njëri-tjetrin.
Specialistët për Hetimin e Krimeve të Komisariatit Nr. 5 referuan materialet në Prokurori, ku nisi procedimi në gjendje të lirë për shtetasit A. G., B. G dhe E. M., pasi për motive të dobëta janë konfliktuar fizikisht me njëri-tjetrin.
Specialistët për Hetimin e Krimeve të Komisariatit Nr. 6 referuan materialet në Prokurori dhe shpallën në kërkim shtetasin M. V., pasi dyshohet si autor i vjedhjes së një shume parash në një subjekt.Punohet për kapjen e tij.
Specialistët e Qarkullimit Rrugor referuan materialet në Prokurori, ku nisi procedimi në gjendje të lirë për shtetasin A. D., 38 vjeç, pasi dyshohet se ka humbur kontrollin e automjetit që drejtonte dhe është përplasur me një automjet të parkuar. Si pasojë është dëmtuar 38-vjeçari i cili ndodhet në spital, nën kujdesin e mjekëve.
-Më datë 26.09.2025, në rrugën “Dervish Luzha”, shtetasi E. Sh., 47 vjeç, dyshohet se ka humbur kontrollin mbi automjetin që drejtonte për shkak të një arresti kardiak. Si pasojë 47-vjeçari ka humbur jetën.
-Me datë 27.09.2025, rreth orës 07:30, shtetasi M. D., 40 vjeç, ka njoftuar sallën operative se në oborrin e banesës së tij në rrugën “Hysni Gërbolli” ka konstatuar një lëndë e dyshuar si lëndë plasëse, në gjendje të paplasur. Punohet për sqarimin e rrethanave të rastit.
Materialet procedurale iu referuan Prokurorisë së Tiranës, për veprime të mëtejshme.
