Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
2 viktima dhe 2 të plagosur nga masakra në Shkodër/ Dëshmia e Erogen Vasos: Dora e pabesë!
PiranjatPërditësimi i fundit 9 Shtator 2025, 08:09
Pas ngjarjes së rëndë të ndodhur në qendër të Shkodrës, ku dy persona humbën jetën dhe një vajzë mbeti e plagosur, ka reaguar për mediat Erogen Millan Vaso (Brajoviç), i cili mbeti gjithashtu i plagosur dhe sipas deklarimeve të autorit të dyshuar të ngjarjes, ishte edhe objektiv i atentatit.
Vaso ka shprehur ngushëllimet për viktimat dhe familjet e tyre, duke e cilësuar ngjarjen një dhimbje të madhe personale dhe plagë që nuk mbyllet.
Ai ka sqaruar gjithashtu se distancohet nga çdo aludim që e lidh atë me grupe apo emra të caktuar në Shkodër, duke theksuar se është sipërmarrës dhe me të kaluar në sport e në jetën publike të qytetit.
Deklarata e plotë:
Unë, Erogen Millan Vaso (Brajoviç), bëj këtë reagim për mediat dhe opinionin publik.
Në këto momente të vështira, jo vetëm për mua, i shpreh ngushëllimet e ndjera familjarëve të dy miqve të mi, me të cilët ishim së bashku sot në mëngjes, në një kafe në qendër të Shkodrës. Ata ishin qytetarë model të Shkodrës, familjarë të respektuar nga gjithë komuniteti. Dora e pabesës së një vrasësi i shkëputi sot nga jeta, teksa ishim së bashku, dhe për mua personalisht kjo është një dhimbje e rëndë dhe plagë që nuk mbyllet kurrë!
Qofshin në paqe me Zotin Armando dhe Geridoni! Zoti u dhëntë forcë familjeve të tyre! Gjithashtu, i uroj shërim të shpejtë vajzës së plagosur në këtë ngjarje.
Më duhet të distancohem plotësisht nga informacionet që lidhin personin tim me emra dhe grupe të caktuara në Shkodër.
Jam sipërmarrës në disa biznese, një pjesë të të cilave i kam trashëguar nga babai im, gjithashtu sipërmarrës deri në fund të jetës, ish-futbollist i Shkodrës dhe i Kombëtares Shqiptare.
