Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
AKTUALITET
Shënjestër e atentatit në Shkodër, “lidhjet” e Erogen Brajoviç me krimin dhe politikën. Foto me Luis Ejllin dhe politikanë të njohur
PiranjatPërditësimi i fundit 8 Shtator 2025, 22:52
Erogen Vaso alias Brajoviç dyshohet të jetë shënjestra e atentatit në qendër të qytetit të Shkodrës, ku mbeti i vrarë miku i tij Armando Pali dhe truproja Liridon Kraja alias Lushi.
Këta dy persona ishin në tavolinë me Erogen Vason dhe fatkeqësisht humbën jetën, ndërkohë vetë "i forti" i Shkodrës mbeti i plagosur, bashkë me një kamariere. Erogen Vaso alias Brajoviç është një emër i njohur në qytetin verior për shkak të jetës mes gjobvënies, politikës dhe krimit.
43 vjeçari e ka nisur "karrierën" në vitet 2006-2007, kur është akuzuar dhe arrestuar për veprën penale të “shtrëngimit me anë të kanosjes ose dhunës për përfitim të pasurisë”. Rreth një dekadë më pas, Erogen Vaso alias Brajoviç ka nisur të përfshihet në politikë, por pa u larguar nga bota e krimit. Vite më parë, ka qenë anëtar i këshillit bashkiak për një parti të vogël.
Në vitin 2018, Erogen Vaso alias Brajoviç është arrestuar për herë të dytë nga Policia. Forcat Speciale zbarkuan në lagjen e tij dhe arrestuan katër persona. Gjatë operacionit u arrestuan shtetasit, Ilir Rustem Bajri, 42 vjeç; Emrah Plaku, 22 vjeç; Asmer Bilali, 29 vjeç; Erogen Brajoviç, 36 vjeç. Gjashtë vrasje dhe dy të zhdukur tronditën Shkodrën në pak javë, në 2018, çka bëri që në Shkodër të zbarkojnë edhe forcat speciale.
Në vitin 2023, Erogen Vaso alias Brajoviç ka qenë sërish në fokusin e autoriteteve ligjzbatuese. Kur aplikacionet e komunikimeve sekrete "SKY" dhe "EncroChat" u çkoduan, SPAK nisi një valë arrestimesh, që përfshinin zyrtarë të Policisë së Shtetit, një biznesmen dhe elementë të krimit të organizuar. 14 masa sigurie ishin prerë nga prokurorët e posaçëm, ndërsa 43 vjeçari që ra pre e atentatit të sotëm ishte mes të shoqëruarve, bashkë me Safet Bajrin dhe Ilir Bajrin.
Të dy këta shtetas janë familjarë të Erogen Vaso alias Brajoviç dhe pasi janë marrë në pyetje, u lanë të lirë. Mbiemri i tyre është Bajri dhe së fundmi është ndryshuar në Brajoviç, nga familje të caktuara të së njëjtit fis, sepse një pjesë vazhdon ende të mbajë mbiemrin Bajri.
Erogen Vaso alias Brajoviç është dhe vëllai i Denis Brajoviç, i akuzuar zyrtarisht nga Prokuroria e Posaçme dhe i ekstraduar disa kohë më parë nga Emiratet e Bashkuara Arabe për vrasjen e shokut të tij, anëtarit të grupit Bajri, shtetasit Gjin Boriçi.
Ai u zbulua në përgjimet e “Metamorfozës”, ku pas vrasjes komunikoi me Ervis Martinaj dhe Behar Bajrin. Drejtuesit e klanit Bajri në Shkodër pranuan të vrisnin shokun e tyre, duke shkëmbyer "objektiv" me biznesmenin e zhdukur të basteve Ervis Martinaj dhe një shtetas që grupi i Shkodrës e donte të vdekur në Tiranë.
Erogen Vaso alias Brajoviç është akuzuar në vitin 2018, si mik me kryebashkiakun Erion Veliaj, pas disa fotografive që qarkulluan në internet nga zyra e këtij të fundit. Motra e Erogenit thoshte se mes tyre nuk kishte miqësi, por ai kishte qenë i ftuar në dasmën e saj, në Bashkinë e Tiranës.
Në një pamje tjetër, i plagosuri i atentatit kete te hene në kryeqendrën e veriut, shihet pranë këngëtarit dhe personazhit shumë të njohur në botën e showbizzit, Luiz Ejlli. Të dy janë duke konsumuar kafe dhe duken mjaft të relaksuar, në një tryezë të rrethuar dhe nga persona të tjerë.
Megjithatë, të dy janë qytetarë të Shkodrës dhe gjasat janë që të kenë njohje shumë të hershme, e cila ka vazhduar dhe pas vitesh, duke mbërritur deri në ditët e sotme.
