Pas përfundimit të fjalimeve para Kryeministrisë, qytetarët kanë vijuar marshimin rrugëve të kryeqytetit. Protestuesit jan&eu...
AKTUALITET
AGSH: Skandaloze! Flamurtari nuk kërkon falje, por tenton të intimidojë më tej gazetarin e Piranjave
PiranjatPërditësimi i fundit 14 Shtator 2025, 17:29
Asociacioni i Gazetarëve të Shqipërisë ka reaguar i tronditur pas deklaratës së klubit të Flamurtarit që supozonin që gazetarët e Piranjave ishin të “armatosur”.
Në një postim në faqen zyrtare, AGSH-ja thekson se në vend që të kërkojnë falje për dhunën dhe kërcënimet, që presidenti i Flamurtarit, Sinan Idrizi së bashku me atë të Tiranës, Refik Halili dhe njerëzit e tyre ushtruan ndaj gazetarit Edon Kuqi dhe pjesë tjetër të stafi të Piranjave, ata bëjnë deklarata skandaloze dhe akuza pa baza.
“Asociacioni i Gazetarëve të Shqipërisë është i tronditur nga deklarata e Klubit Futbollistik “Flamurtari”.
24 orë pas sulmit ndaj ekipit të emisionit “Piranja” dhe gazetarit Edon Kuqi, klubi jo vetëm që nuk ka kërkuar falje për dhunën ndaj ekipit të medias, por përmes një deklarate skandaloze ka akuzuar, pa asnjë provë dhe fakt, gazetarin se ka qenë i armatosur.
Deklarata të tilla, që e justifikojnë dhunën dhe akuzojnë pa prova gazetarët, përbëjnë një akt të mëtejshëm intimidimi ndaj gazetarit dhe ekipit të xhirimit të emisionit “Piranja”.
AGSH është gjithashtu e shqetësuar që Policia e Shtetit dhe Prokuroria nuk kanë ndërmarrë ende asnjë veprim, pavarësisht se pamjet e dhunës janë transmetuar në mediat online dhe televizive.
Ne kërkojmë që klubi “Flamurtari” të tërheqë menjëherë deklaratën e fundit dhe të kërkojë falje për dhunën, ndërsa ftojmë publikisht Policinë e Shtetit dhe Prokurorinë të nisin pa humbur kohë një hetim të gjithanshëm dhe të hollësishëm për të zbardhur ngjarjen e plotë.”-shkruan AGSH.
