Akuzohet për vrasjen e Klodian Saliut dhe Vajdin Lamajt/ Kërkoi ndryshimin e masës, Apeli i GJKKO rrëzon kërkesën e Plaurent Dervishajt

Plaurent Dervishaj

TIRANA- Apeli i GJKKO ka lënë në fuqi "arrestin me burg" për Plaurent Dervishajn, duke rrëzuar kërkesën e tij për një masë më të lehtë sigurie. Pas ekstradimit nga Dubai, më 15 gusht, Dervishajt iu komunikua masa e sigurisë “arrest me burg” në mungesë për vrasjet e Klodian Saliut dhe Vajdin Lames. Këto ngjarje kriminale kanë ndodhur në vitin 2005, por ai akuzohet dhe për atentatin ndaj ish-prokurorit Arjan Ndoj në vitin 2019.

Njoftimi:

Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Florjan Kalaja (kryesues), Iliriana Olldashi (anëtare) dhe Miliana Muça (anëtare), sot më 17.09.2024, shpalli vendimin mbi çështjen penale nr. 188 akti, datë 11.09.2024 regjistrimi, regjistruar mbi ankimin e të pandehurit/ankues P.D., me objekt: “Ankim ndaj vendimit nr. 103, datë 16.08.2024 të Gjykatës së Posaçme të Shkallës së Parë për Korrupsionin dhe Krimin e Organizuar (disponuar mbi kërkesën për ndryshim mase sigurimi)”, dhe vendosi:

Miratimin e vendimit nr. 103, datë 16.08.2024 të Gjykatës së Posaçme të Shkallës së Parë për Korrupsionin dhe Krimin e Organizuar.

plaurent dervishaj