Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
AKTUALITET
Altin Dumani merr kompetencat e Komisionerit Publik nga 1 janari, SPAK merr edhe zyrat me vendim të qeverisë
r.llPërditësimi i fundit 16 Dhjetor 2024, 10:06
altin dumani
TIRANË- Kreu i Prokurorisë së Posaçme, Altin Dumani nga 1 janari 2025 do të marrë kompetencat e Komisionerit Publik. Një vendimi i Këshillit të Ministrave i marrë në mbledhjen e 13 dhjetorit, kaloi nën administrimin e SPAK dhe Ministrisë së Drejtësisë zyrat në të cilat kanë punuar prej gjashtë viteve anëtarët e vlerësimit të magjistratëve të Komisionit të Pavarur të Kualifikimit.
“Në mbështetje të nenit 100 të Kushtetutës dhe të neneve 13 e 15, të ligjit nr.8743, datë 22.2.2001, “Për pronat e paluajtshme të shtetit”, të ndryshuar, me propozimin e Kryeministrit, Këshilli i Ministrave vendosi: 1. Në titullin e vendimit nr.518, datë 20.9.2017, të Këshillit të Ministrave, “Për kalimin në përgjegjësi administrimi të Ministrisë së Drejtësisë të një pjese të godinës, ku ushtron veprimtarinë Kontrolli i Lartë i Shtetit, për Kolegjin e Posaçëm të Apelimit dhe Komisionerëve Publikë, institucione të rivlerësimit të gjyqtarëve dhe prokurorëve në Republikën e Shqipërisë, i parashikuar nga ligji nr.84/2016”, të ndryshuar, dhe kudo në përmbajtje të këtij vendimi, fjalët “… Komisionerëve Publikë, institucione të rivlerësimit të gjyqtarëve dhe prokurorëve në Republikën e Shqipërisë, i parashikuar nga ligji nr.84/2016” zëvendësohen me “… Prokurorinë e Posaçme kundër Korrupsionit dhe Krimit të Organizuar …”, thuhet në vendimin e Këshillit të Ministrave.
Mbarimi në fund të këtij viti i mandatit të komisionerëve publikë Florian Ballhysa dhe Irena Nino pasohet me marrjen e stafetës nga kryeprokurori i posaçëm i cili do të përfaqësojë çështjet e apeluara në KPA. Ky vendim vjen gjithashtu me mbarimin e mandatit të Komisionit të Pavarur të Kualifikimit dhe të Komisionereve Publikë, të cilat shkrihen të dyja më 31 Dhjetor.
