Kreu i Partisë Demokratike Sali Berisha komentoi zgjedhjet në Serbi, teksa Aleksandar Vuçiç ra nga pushteti pas 14 vitesh.
Berisha u ...
AKTUALITET
Arrestimi i Ballukut, kërkesa re e SPAK mbërrin në Kuvend
PiranjatPërditësimi i fundit 11 Qershor 2026, 17:13
SPAK ka dërguar në Kryesinë e Kuvendit, kërkesën e dytë për heqje imuniteti, të deputetes Belinda Balluku. Ndonëse Kuvendi nuk e shpall publikisht nisjen e procedurave të kërkuara dhe mospengimin e drejtësisë. Krahas masës për ndalim të daljes jasht vendit SPAK pritet të rikërkojë arrest me burg të të pandehurës Balluku.
Korrupsion, pastrim të produkteve të veprës penale, në kuadër të grupit të strukturuar kriminal, janë akuzat e reja të Strukturës së Posaçme. Sigurisht, materialit i bashkangjitet dhe lënda ekzistuese, ku është akuza e shkeljes së barazisë në tendera.
Këshilli i Rregullores dhe Mandateve duhet të marrë kërkesën dhe pas njohjes me dosjen e re, të hapë seancën me të pandehurën dhe dërgojë sa më shpejt raportin propozues për heqje mandati në seancë plenare. Kërkesa e parë u zvarrit dhe u refuzua nga mazhoranca socialiste me urdhër të Edi Ramës. Kjo solli edhe një raport radikal të IBAR, ku refuzimi heqjes së mandatit të pandehurës Belinda Balluku, u cilësua pengim i drejtësisë.
Në hetimet e zgjeruara prokuroria ka zgjeruar veprimet e kontrollet e shumta në bashkëpunëtorë, familjarë të Ballukut por edhe biznesmenë. Kujtojm javën e shkuar sekuestrimin e një vile në Dhërmi. Marrjen të pandehur të Igli Tares e në hetim të Pandeli Carapulit në akuzën e pastrimit të parave.
Kjo dosje shkon me veprime hetimore detyrimisht te kryeministri Edi Rama. Përgjimet e mesazheve nxjerr dhe përfshirjen e kryeministrit në favore ekonomike për disa tendera e shërbime në adresë të biznesnesmenëve klientë të tij.
Brukseli dhe Uashingtoni e kanë cilësuar të panegociueshme pavarësinë e drejtësisë, mosndikimin e qeverisë.dhe KM duke u shprehur me emër për ish-zvkryeministren tashmë të pandehur. Beteja e presioneve me përgjime mes numrit një e dy të qeverisë Ramës e Ballukut, është përplasja e madhe, kundër SPAK. Struktura e Posaçme ka edhe kërkesa të tjera nëpër duar.
