Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Arrestohet 23-vjeçari në Shkodër, akuzohet për vjedhje dhe shitje të lëndëve narkotike
ZH.LLPërditësimi i fundit 20 Nëntor 2024, 15:29
policia Shkodër
SHKODËR- Policia e Shkodrës ka vënë në pranga një 23-vjeçar nën akuzën për vjedhje dhe shitje të lëndëve narkotike.
Sipas njoftimit të bluve, mësohet se i riu, gjatë ditës së djeshme, ka vjedhur me thyerje, një shumë parash, pije alkoolike dhe një kamer sigurie, në një qebaptore në lagjen “Vasil Shanto". Ndërsa iu sekuestrua në cilësinë e provës materiale një sasi e vogël narkotike cannabis sativa, e cila iu gjet gjatë kontrollit fizik.
Ndërkohë policia bën gjithashtu me dije, se 23-vjeçari është me precendent kriminal për vjedhje dhe shitje të lëndëve narkotike.
Njoftimi i policisë:
Zbardhen 2 raste të vjedhjes të kryera ditën e djeshme.
Arrestohet në flagrancë autori i dyshuar, shtetasi 23 vjeç, banues në Shkodër.
Si rezultat i veprimeve hetimore të kryera për zbradhjen e rasteve të vjedhjes së pronës dhe pasurisë, identifikimin dhe kapjen e autorëve, shërbimet e Komisariatit të Policisë Shkodër kanë arrestuar në flagrancë shtetasin me precedent kriminal për vjedhje dhe shitje të lëndëve narkotike.
Ky shtetas, ditën e djeshme, ka vjedhur me thyerje, një shumë parash, pije alkoolike dhe një kamer sigurie, në një qebaptore në lagjen “Vasil Shanto”, si dhe një shumë parash në një lokal, në të njëjtën lagje.
Gjatë kontrollit fizik, shërbimet e Policisë i kanë gjetur 23-vjeçarit, një sasi të vogël lënde narkotike cannabis sativa, e cila u sekuestrua në cilësinë e provës materiale bashkë me kamerën e sigurisë të vjedhur dhe një pjesë të parave të vjedhura.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Vjedhja” dhe “Prodhimi dhe shitja e narkotikëve”.
