Asgjësohen 168 bimë kanabis në Vlorë, arrestohet kultivuesi 51-vjeçar

pamje nga ngjarja

VLORË- Arrestohet një 51-vjeçar për kultivim kanabisi në fshatin Armen të Vlorës. Mësohet se janë gjetur të mbjellura 168 bimë kanabis në një sipërfaqe toke të mbjellë me misër.

Si pasojë janë asgjësuar bimët narkotike si dhe është arrestuar autori E. A 51 vjeç.

Njoftimi i Policisë:

Vlorë/Vijon intensivisht megaoperacioni policor anticannabis, i koduar “Territor i pastër”.

Si rezultat i kontrolleve, gjenden në fshatin Armen dhe asgjësohen 168 bimë narkotike cannabis sativa.

Identifikohet dhe vihet në pranga autori i dyshuar i kultivimit të këtyre bimëve.

Gjatë kontrolleve të kryera me mbështetjen e punës së inteligjencës policore, në vijim të megaoperacionit mbarëkombëtar, të koduar “Territor i pastër”, shërbimet e Stacionit të Policisë Selenicë gjetën në fshatin Armen, në një sipërfaqe toke të mbjellë me misër, 168 bimë narkotike cannabis sativa.

Si rezultat i hetimeve dhe veprimeve të shpejta policore, u identifikua dhe u arrestua pronari i tokës, njëkohësisht autor i dyshuar i kultivimit të bimëve narkotike, shtetasi E. A., 51 vjeç.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

vlorë kanabis