Teksa vala e protestave të studentëve dhe të rinjve ka pushtuar vendin, rezistenca e tyre vijon prej ditësh në rrugët e Tiran&eu...
AKTUALITET
Balluku monopolizon pikat e karikimit të makinave elektrike
PiranjatPërditësimi i fundit 10 Nëntor 2025, 11:59
Zëvendëskryeministrja dhe ministrja e Infrastrukturës, Belinda Balluku njoftoi sot se në të gjithë Shqipërinë, do të ndërtohen pika karikimi, “OSHEE Charge” duke iu rritur çmimin e energjisë elektrike bizneseve që ofrojnë pika karikimi për automjetet. Por ajo që fshihet pas këtij projekti, është monopolizimi përmes OSHE Charge, i pikave të karikimit duke dëmtuar subjektet që kanë kulla karikimi të cilat i kanë blerë nga 10-12 mijë euro secilën.
“OSHEE Charge është një hap i domosdoshëm sepse për momentin është i përqendruar në Tiranë.
Ekzistojnë 260 mijë mjete elektrike dhe ekzistojnë më pak pika karikimi. Gjithashtu është rritur sasia e konsumimit të energjisë elektrike. E shikojmë të nevojshme që të rritet çmimi i energjisë elektrike me 22 lekë për tregtarët privatë që do ta shesin energjinë tek përdoruesit e mjeteve elektrike. 9.5 lekë do të shtohet çmimi për personat që karikojnë makinën elektrike në banesën e tyre. Energjia që do të përdoret nga OSHEE charge do të sigurohet nga burime të rinovueshme. Projekti do të fillojë në Tiranë me ndërtimin e një pike karikimi e cila do të mundësojë të marrin shërbim njëkohësisht 20 mjete”, deklaroi Balluku.
Në pamje të parë Belinda Balluku e shiti në media OSHE Charge, si projekt që do të ofrojë energji elektrike me çmim më të lirë se vendet e tjera, ndërkohë pikave aktuale të karikimit ua rriti çmimin e energjisë elektrike me 22 lekë, dhe 9.5 lekë familjeve që disponojnë pikë karikimi për automjetet e tyre elektrike.
Ky vendim i qeverisë u publikua sot nga Balluku dhe Rama pasi fituan zgjedhjet e pjesshme lokale në pesë bashki të vendit.
