Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
AKTUALITET
Banorët e fshatit Baks Rroji protestë: Të ndalohen punimet e resortit në tokat tona!
Nga Xhuljan FerzajPërditësimi i fundit 14 Shkurt 2026, 10:43
Mëngjesin e sotëm, banorët e fshatit Baks Rrojit në Velipojë, dolën sërish në protestë për të ndaluar punimet e resortit turistik.
Ata u përplasën me policinë, e cila kërkoi të ndalonte protestën, por banorët vijuan duke deklaruar se po kërkojnë të drejtën e tyre.
“Prej vitesh ne jemi ushqyer këtu, ju keni ardhur në tokat tona. Këtu do të ketë vetëm gjakderdhje. Ne nuk e lëshojmë” u shprehën banorët.
Mbi 70 banor qëndruar pranë vendit ku do të ndërtohet resorti, ata kërkojnë që të respektohet e drejta e pronës, dhe jo të grabiten ashtu siç po ndodh me ata. Ndërkohë mes protestuesëve shihet një grua e sëmurë e cila ka vendosur të dalë në protestë, pavarsisht gjendjes shëndetësore.
“Kam kryer transplant. Unë du me lanë krytë këtu, se du me pru fëmijët e mi dhe me pas jetën time këtu. Nuk ju kërkojmë as ujë, as drita, as shtëpi. Të gjitha i kemi sjellë vetë” shpjegoi gruaja.
Banorët e fshatit, deklaruan se do të vazhdojnë të protestojnë pavarsisht se Gjykata Administrative nuk pranoi kërkesën e tyre për sigurimin e padisë, me qëllim ndalimin e punimeve për ndërtimin e resortit turistik në pronat e tyre.
“Nuk po kërkojmë asgjë më shumë, duam të mos na marrin tokat tona, ne do të mblidhemi këtu pavarsisht policisë, do të përshkallëzojmë protestat, madje edhe po të jetë nevoja për dhunë, nuk kemi çfarë të humbasim më shumë se toka”, tha një banor i revoltuar./Piranjat News
