Vapa përvëluese e këtij viti, sipas Kombeve të Bashkuara, është paralajmërim për katastrofën globale të klim&e...
AKTUALITET
"Bejtja ka mandatin që më është ndërprerë mua!" Ish-anëtari i Gjykatës Kushtetuese, Besnik Muçi: Gjykata e Lartë në shkelje me vakancën që hapi
M.B.Përditësimi i fundit 16 Dhjetor 2024, 19:29
TIRANA- Ish-anëtari i Gjykatës Kushtetuese, Besnik Muçi ka komentuar sot zhvillimet e fundit lidhur me mandatet e GJK. I ftuar në emisionin "Task Force" në Syri Tv, Muçi tha se ai kishte patur mandat të plotë dhe Sonila Bejtja vijoi mandatin e tij.
Ai tha se mandatet e marra pas miratimit të reformës në drejtësi janë mandate "të veçanta" lidhur me kohën që janë marrë apo që zgjasin. Sipas tij Gjykata e Lartë është në shkleje lidhur me shpallejn e vakancës për mandatin e kryetares së Gjykatës Kushtetuese Holta Zaçaj.
Sipas Muçit, përfundimi ose jo i mandatit të një antarit të GJK e përcakton vetëm kjo e fundi me vendim, dhe në asnjë rast Gjykata e Lartë nuk mund të marrë një vendim për antarin e një gjykate të një shkalle më të lartë.
"Unë do të jap një vështrim profesional, teknik pa hyr në analiza. E para Gjykata Kushtetuese nuk paralizohet se mandati i anëtari të Gjykatës Kushtetuese nuk humbet, është 9-vjet dhe nuk humbet deri në ditën që zëvendësohet nga pasardhësi i tij, pra vetëm me dorëheqje të parevokueshme mund të paralizohet.
E dyta nëse realizojmë situatën në të cilën ndodhemi ka dy momente shumë të rëndësishme. Ka një vështrim të thjeshtë teknik që unë do mundohem ta shpjegoj në mënyrë të përmbledhur, por ka dhe një vështrim tjetër që është ajo e raporteve institucionale në Republikën e Shqipërisë sidomos raporti i Gjykatës së Lartë dhe Gjykatës Kushtetuese dhe shkeljes që ka bërë Gjykata e Lartë nëpërmjet shpalljes së vakancës të xonjës Zaçaj.
Së pari duhet sqaruar se zonja Zaçaj ka marrë mandatin në vitin 2017 kur ka përfunduar zonja Tushe, mandat i cili bashkë me mandatin e zotit Beci i cili u zgjodh, janë mandate të veçanta pasi u votua reforma në drejtësi. Këto dy mandate janë me kohë të kufizuar. Mandati i zonjës Zaçaj përfundon në vitin 2025 dhe mandati i zotit Beci përfundon në vitin 2028. Të gjitha mandatet e tjera të anëtarëve të tjerë të GJK të emëruar nga të institucionet Parlamenti, Presidenti dhe Gjykata e Lartë kanë qenë ose mandate të plota ose vazhdim i mandateve të tjerë.
Avokati Përparim Kabo dhe zoti Binaj kanë qenë dy anëtarë të GJK që u ka mbaruar mandati dhe që kanë pasur mandate si vazhdime të mandateve të gjyqtarëve të tjerë që u është ndërprerë nga procesi i Vettingut. Kurse të gjithë mandatet e tjerë përfshirë dhe mandatin tim, kanë qenë mandate 9-vjeçare të plota. Zonja Bejtja nuk ka mandat të plotë të 2016, por është mandati që më është ndërprerë mua. Dhe futja në diskutim që i kërkon zonja Zaçaj Komisionit të Venecias edhe për mandatin e zonjës Bejtja është palidhje fare. Zonja Zaçaj aty nuk e di pse e vë në diskutim këtë mandat", tha Muçi.
