Radhë e gjatë automjetesh është krijuar në pikën kufitare të Kakavijës, në krahun e palës greke.
Burime nga...
AKTUALITET
Berisha: Nuk më ka ardhur asnjë fletëthirrje për 21 janarin! Puthadorët e qeverisë donin të mbulonin skandalin e Lubi Ballukut
PiranjatPërditësimi i fundit 14 Nëntor 2025, 13:56
Kryetari i PD-së, Sali Berisha shpjegoi ditën e sotme në konferencën për mediat se pse nuk është paraqitur sot në SPAK për çështjen e “21 janarit”.
Berisha deklaroi se ai nuk ka marrë asnjë fletëthirrje për t’u paraqitur në SPAK, duke shtuar se nëse do të kishte marrë fletë thirrje do të ishte paraqitur, por kjo nuk ishte e vërtetë.
Sipas Berishës zhurma në media për paraqitjen e tij në SPAK u bë qëllimisht për të prodhuar lajme dhe zhvendosur vëmendjen e publikut nga skandali i Belinda Ballukut me aferën e tenderit të Llogarasë, ku është marrë e pandehur
Fjala e Berishës:
"Unë i përgjigjem çdo thirrje të Gjykatave, Prokurorive, apo të kujtdo qoftë. Nuk ka asnjë lloj lëkundje nga unë në këtë qëndrim dhe nuk mund të ketë kurrë.
Posta kur niset, ligji është dorëzohet. Atij që i dorëzohet i merret firma. E mora thotë. Unë kudo qoftë në seli qoftë aty ku banoj kam njerëz të përgjegjshëm që kurrë nuk mund të ndodhë që të firmosin për një dokument që adresohet te unë e mos të ma japin. Kjo i intereson Altin Troplinit i cili atij institucion i jep standardet e tij morale.
Sot është data 14, nga data 3 që pretendimet gjerë më datë 14 ai dokument mund të vinte pesë herë në zyrën, shtëpinë time apo në Parlament.
E vetmja gjë që u bë kjo se duhet që rakej dhe puthadorë të qeverisë të krijonin lajme dhe madje të debatonin në studio me ftesën nëse do të shkoj apo jo për të mbuluar skandalin e Lubi Ballukut dhe Ramës.
Në lidhje me 21 janarin, njeriu i parë që ka kërkuar hetim të plotë të asaj përpjekje të dhunshme për të përmbysur një qeveri legjitime është Sali Berisha."
