Tensione janë shënuar gjatë protestës së studentëve dhe pedagogëve para Ministrisë së Arsimit, ku policia ka nd&e...
AKTUALITET
Kapet ngarkesa e dytë prej 75 tonësh misër nga Serbia në Hanin e Hotit/ Ja me çfarë ishte i kontaminuar!
PiranjatPërditësimi i fundit 12 Nëntor 2025, 15:24
Autoriteti Kombëtar i Ushqimit (AKU) në Shkodër ka bllokuar sërish një sasi të konsiderueshme misri të importuar nga Serbia. Këtë herë bëhet fjalë për 75 tonë misër, i ndaluar në doganën e Hanit të Hotit, me qëllim kryerjen e analizave laboratorike. Vetëm disa ditë më parë, nga i njëjti subjekt eksportues, AKU kishte ndaluar 25 tonë misër, duke e çuar në 100 tonë sasinë totale të bllokuar deri më tani.
Sipas njoftimit të AKU Shkodër, kontrollet janë ndërmarrë për të përcaktuar nëse produkti përmban nivele të larta të aflatoksinës B1, një substancë toksike dhe kancerogjene që mund të tejkalojë normat e lejuara në Shqipëri.
Sakaq, nëse konfirmohet prania e substancave të ndaluara, këto mallra nuk do të lejohen të hyjnë në territorin shqiptar. Në muajt e fundit, Shqipëria është përballur me një sërë skandalesh që lidhen me sigurinë ushqimore. Ngarkesa të tëra me produkte bujqësore janë refuzuar nga tregjet evropiane për shkak të niveleve të larta të pesticideve dhe substancave të ndaluara. Vetëm gjatë vitit 2025, sistemet europiane të alarmit ushqimor (RASFF) kanë raportuar disa raste të bllokimit të produkteve shqiptare nga specat e kuq dhe domatet, tek mandarinat e Divjakës duke ngritur alarmin për standardet e kontrollit dhe mungesën e transparencës në zinxhirin ushqimor vendas.
Në të njëjtën kohë, në tregun e brendshëm janë zbuluar raste të mishit të pulës të kontaminuar me salmonelë, si dhe qumësht me alfatoksinë një toksinë e rrezikshme që lidhet me kancerin e mëlçisë. Këto ngjarje tregojnë se, përtej reputacionit të dëmshëm në eksport, konsumatori shqiptar është bërë viktima më e ekspozuar ndaj mungesës së kontrollit të qëndrueshëm dhe zbatimit të protokolleve të sigurisë ushqimore.
