Dita e nesërme pritet të jetë e ethshme për familjen e madhe socialiste, teksa në korridoret e kësaj force politike përflit...
AKTUALITET
Bluzat e bardha denoncojnë: Rritja e pagave ishte gënjeshtër, po na shtyjnë të ikim
PiranjatPërditësimi i fundit 4 Mars 2026, 19:07
Një denoncim ka ardhur në redaksinë e Piranjat news nga bluzat e bardha, të cilat hedhin akuza për premtime të pambajtura dhe vonesa të vazhdueshme të pagave.
Sipas tyre, rritja e shumëpërfolur e pagave ka rezultuar një mashtrim, ndërsa realiteti ekonomik po i detyron të mendojnë seriozisht largimin nga vendi.
Sipas informacionit të bërë publik nga vetë punonjësit e shëndetësisë, pagat vazhdojnë të vonohen çdo muaj, pa asnjë shpjegim zyrtar nga drejtuesit. Ndërkohë, diferencat në shpërblim mes punonjësve në të njëjtin pozicion pune arrijnë deri në 100–150 mijë lekë të vjetra neto.
Këto janë shifrat që ata paraqesin:
2 vite pune – 16 mijë lekë të vjetra
6 vite pune – 20 mijë lekë të vjetra
Nën 10 vite eksperiencë – rritje 0.6%
Nën 20 vite – 0.8%
Mbi 20 vite – mbi 100 mijë lekë të vjetra neto
Mbi 30 vite – 150–200 mijë lekë të vjetra neto
Sipas tyre, paga për shumë prej bluzave të bardha është rreth 640 mijë lekë të vjetra, një shumë që, në kushtet e rritjes së çmimeve, qirave dhe kredive, konsiderohet e pamjaftueshme për të përballuar jetesën.
“Të rinjtë janë më të penalizuarit. Me fëmijë të vegjël, me qira, me kredi dhe me çmime në stratosferë. Si jetohet me kaq?”, shprehen ata në denoncimin për Piranjat news.
Bluzat e bardha kërkojnë transparencë mbi mënyrën e llogaritjes së pagave, shpjegim për diferencat mes kolegëve dhe, mbi të gjitha, pagesa në kohë. Sipas tyre, situata aktuale nuk përbën rritje page, por një shtysë të drejtpërdrejtë drejt emigrimit./ piranjat.news
