Pas ditës së pestë të protestës studentore, kryeministri Edi Rama njoftoi se efektivët e angazhuar në protestë do të...
AKTUALITET
Dalin para gjykatës dy të rrezikshmit e Fushë Arrëzit
PiranjatPërditësimi i fundit 27 Nëntor 2025, 13:35
Kanë mbërritur në Gjykatë këtë të enjte, më 27 nëntor, për masën e arrestit E.U dhe J.C, të arrestuar dy ditë më parë në fushë-Arrëz, për t’u njohur me masën e sigurisë.
Sjellim ndërmend se dy të dyshuarit, u vetëdorëzuan pas më shumë se 13 orësh të rrethuar në një banesë në lagjen Orosh të fshatit Kryezi, Fushë-Arrëz, të hënën e 24 nëntorit.
Policia e Pukës kishte rrethuar prej orësh banesën në fshatin Orosh, ku dyshoheshin se fshiheshin J.C., 24 vjeç, dhe Sh.U., të cilët kishin kërcënuar se do të qëllonin ndaj forcave të rendit, nëse afroheshin.
Në vendngjarje ishin të pranishëm njësitë e RENEA-s dhe forca të specializuara për ndërhyrje të situatave të rrezikshme.
Të dy personat janë të njohur për autoritetet, pasi më parë ishin skeduar nga Anti-terrori për veprime radikale dhe për rrezik të lartë shoqëror. Gjatë kontrollit në banesë, policia gjeti armë, municion, granata dhe një flamur të organizatës “ISIS”.
Dorëzimi u negociua nga ana e motrës së njërit prej të dyshuarve, e cila ka ndërmjetësuar për të shmangur përshkallëzimin e dhunës. Pas dorëzimit, efektivët kanë hyrë në banesë për kontroll me qen, për të kontrolluar për armë apo eksplozivë.
