DashiMarrëdhënia me partnerin do përmirësohet mjaft gjate kësaj dite. Do i kuptoni gabimet e bëra dhe do mundoheni me çdo...
AKTUALITET
''Shqipëria treg i ilaçeve të pacertifikuara''/ Tritan Shehu: Qytetarët përdoren si ‘kavie’ për një industri 100 mld dollarësh
PiranjatPërditësimi i fundit 27 Nëntor 2025, 12:12
Deputeti i Partisë Demokratike, Tritan Shehu, ka lëshuar akuza të forta gjatë fjalës së tij në Komisionin e Shëndetësisë, duke paralajmëruar se hapja e tregut farmaceutik shqiptar ndaj barnave të pacertifikuara nga EMA apo FDA po rrezikon seriozisht sigurinë mjekësore të qytetarëve.
Shehu tha se Shqipëria po shndërrohet në një treg të ekspozuar ndaj “fake-drugs”, me barna që nuk lejohen në vendet e BE-së, ndërsa çmimet për qytetarët rriten dhe cilësia bie. Ai kërkoi që certifikimi ndërkombëtar të përfshihet me detyrim në ligjin e ri për farmaceutikën, duke theksuar se interesat financiare në tregun e medikamenteve “janë të mëdha, por është koha të vihet përpara interesi i qytetarëve”.
Tritan Shehu: Dhe organizmat ndërkombëtare, në këtë rast janë dy që njihen. EMA apo FDA-ja. Heqja e atyre e ka hequr barazhet e mëdha. Ne jemi futur në hapësirën në këtë mënyrë të fake-drugs, e cila ka një shumë, sot llogaritet nga Banka Botërore dhe 100 miliardë dollarë në vit që qarkullojnë në gjithë botën. Dhe padyshim qarkullojnë radhë të parë në vendet që nuk kanë ndonjë mbrojtje. Se në Gjermani është e vështirë të futen. Edhe në Francë, edhe në Itali, edhe në Greqi, s'futen. Po futen pikërisht aty ku nuk ekzistojnë këto barriera mbrojtëse. Pra neve bëjmë dy elementë. Nga një anë rrisim çmimin dhe pagesat e qytetarëve, nga ana tjetër ulim sigurinë medikamentoze, cilësinë e medikamenteve.
Dikush mund të thotë, po jo ku e di ti që nuk janë cilësor? Nuk e di. Nuk e di them unë. Dhe nuk e di dhe kam dyshime derisa nuk janë të certifikuara nga organizma ndërkombëtare. Siç e ka Bashkimi Evropian. Në Bashkimin Evropian futen dot këto medikamente? Jo. Futini, po deshe, të pacertifikuar nga EMA në, në Greqi, në Slloveni, në Sllovaki, në Kroaci. Futi, s'futen kurrë. Ka ligje. Pse te ne futen? Pse çfarë jemi ne, qytetarë të dorës së dytë? Kavie? Pra kemi dy elementë te medikamentet, cilësinë, koston. që jemi në një nivel me gjithmend, ne marrim medikamente që shkojnë vetëm në Afrikë. Se nuk lejohen, se nuk certifikohen nga EMA, nga vende, nga të tjerët, ka vende që prodhojnë edhe për, edhe duke certifikuar te EMA dhe që pa i certifikuar te EMA.
Ne marrim këto, të pacertifikuarat. Pra unë mendoj që kjo duhet të vendoset në ligj, por kjo është një problematikë që unë ngre sot këtë gjë në ligjin e farmaceutikës, që shpresoj ta ripunoni. Dëgjova sikur doni, sikur ka një, ka një dëshirë ta vendosi, do t'ju uroja ta keni këtë dëshirë dhe ta vendosni këtë gjë. Nuk është e lehtë tashmë, se tregu është i shkatërruar, unë e di jam shumë koshient. Interesat janë shumë të mëdha, janë 320 milionë euro në vit që qarkullojnë për medikamentet në Shqipëri dhe ka shumë interesa. Tani është momenti për t'i thënë jo këtyre interesave dhe përpara interesave të qytetarëve.
Dhe sistemin shëndetësor të qytetarëve. Pra, ky amendament i dytë kërkon pikërisht këtë gjë. Sepse duke rritur nivelin e rimbursimit, ti mund të rrisësh edhe nivelin e futjes në listën e rimbursimit të medikamenteve të origjinës së sigurt. Të certifikuara nga EMA. Që kanë padyshim, kanë një kosto më të lartë. Unë jam koshient me këtë gjë. Besoj jo gjithmonë. Por edhe në qoftë se e kanë, kostoja finale është më e vogël. Pse? Një sëmundje që nuk trajtohet mirë ambulatorisht, me medikamente të pasigurta, që nuk e di çfarë efekti kanë, pastaj mund të ketë nevojë për trajtime shumë më të mëdha në spital, me kosto shumë herë më të lartë.
