Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Denoncimi i "Piranjave" për mitingun e Ramës/ Gazetari: Drejtorin e nxorën të bënte autokritikë, një ditë më pas dha dorëheqjen
PiranjatPërditësimi i fundit 15 Maj 2024, 10:32
Eraldo Harlicaj
TIRANË - Drejtori i Teatrit të Bylisit, Klajdi Marku ka dhënë dorëheqjen nga detyra menjëherë pasi ra në rrjetën e investigimit të emisionit të Piranjave, ku pranonte se kishin ardhur posaçërisht nga Shqipëria në takim me kryeministrin Rama në Athinë. Marku është shprehur se dorëheqja erdhi pas emisionit të Piranjave, por duke treguar dhe versionin e tij se si u bë pjesë e takimit të kryeministrit me emigrantët në Athinë.
I ftuar në "Kafe Shqeto" në Syri TV, Eraldo Harlicaj, gazetari investigativ i emisionit ‘Piranjat’ u shpreh se është mjaft e habitshme mënyra se si Klajdi Markun e nxorrën të bënte autokritikën një ditë më pas, duke e detyruar të jepte dorëheqjen.
‘Qëllimi ynë nuk është që të largoheshin njerëz nga puna, veç faktit se donin të nxirrnim një të vërtetë’ -u shpreh gazetari investigativ.
‘Ka shumë persona të cilët i kemi kapur, që kanë ardhur nga Shqipëria e që kishin udhëtuar pikërisht për këtë ‘festë’ le të themi. Kemi kapur nga Burreli, nga Lezha, Cërriku por pjesa më e madhe e tyre ishte ato të administratës.
Ajo ç’ka më bëri përshtypje ishin se kur futeshe në një sallë ata ishin të shpërndarë në grupe dhe nuk largoheshin nga njëri-tjetri se kishin frikë se humbisnin, të ndarë si epike futbolli me në krye kryetarin e bashkisë që i rreshtonte dhe ishte shumë shqetësuese për ta fakti se në momentin që humbte grupi, nuk dinin nga shkonin.
Në aspektin njerëzor sigurisht më vjen keq për drejtorin e teatrit të Bylysit, për mënyrën se si e nxorrën të bënte autokritikën një ditë më pas duke e detyruar të jepte dorëheqjen.
Patjetër nuk ishte qëllimi ynë që të largoheshin njerëz nga puna, veç faktit se donin të nxirrnim një të vërtetë.
Ne kishim informacion dhe që në momentin që zotëria është ulur nga autobuzi së bashku me fëmijët, pra të rinjtë i kemi ndjekur hap pas hapi deri në momentin që ai u kthye sërish në autobus.
Kishte organizim perfekt nga Bashkia e Lezhës, nga ato të Burrelit, Mallakastrës dhe ishte e habitshme fakti që ishin të mësuar mjaft mirë dhe nuk e di se si ‘u peshkuan’ aq lehtë', tha Harlicaj për Syri TV.
