Kavaja, Himara, Vlora, Kamza, Durrësi, Vora janë bashkitë më të varura nga të ardhurat që gjeneron ndërtimi, pasi t&eu...
AKTUALITET
DETAJE/ U vetëhelmua pas dhunës së ish-bashkëshortit, zbardhet ekspertiza mjeko-ligjore për Xhuana Nikollaj
PiranjatPërditësimi i fundit 12 Mars 2026, 13:24
Pas ngjarjes së rëndë të ndodhur dy ditë më parë, zbardhet ekspertiza paraprake mjeko-ligjore për vdekjen Xhuana Nikollajt, 25-vjeçares që ndërroi jetë në QSUT pasi u vetëhelmua me fostoksinë.
Janë zbuluar detaje nga ekspertiza, ndërsa konfirmohet se e reja kishte shenja të dukshme në trup, për të cilat thuhet se janë shkaktuar nga ish-partneri i saj, Eraldo Fizi, i shpallur në kërkim nga Policia pas denoncimit të familjarëve të së ndjerës.
Dje u tha se e reja ishte shtatzënë, ndërkohë që ekspertiza vërtetoi të kundërtën.
Në kallëzimin e bërë nga familjarët, ata pretendojnë se e reja është dhunuar në mënyrë brutale nga Fizi, pasi ka hematoma dhe dëmtime në gjymtyrë dhe trup.
Para se të ndërmerrte aktin fatal, 25-vjeçarja kishte lënë edhe një letër.
Mësohet se ajo shkruante në letër se “nuk donte më që ata njerëz që i kishin bërë keq të vazhdonin ta lëndonin”.
Në fund të letrës, ajo u kërkonte ndjesë edhe nënës dhe babait të saj.
Martesa e çiftit kishte zgjatur pak muaj dhe kishte përfunduar vitin e kaluar, por kjo nuk ka penguar të dyshuarin Fizi që të vijonte dhunën psikologjike dhe fizike ndaj ish-gruas së tij, duke e çuar deri në vetëvrasje.
Hetimet bëhen nga Policia e Lezhës dhe Tiranës, bashkë me Prokurorinë.
