Dita e Drejtësisë/ Wisner: Ka pengesa, duhet të ketë më shumë vetting! SHBA mbështet reformat në përputhje me kushtetutën dhe pavarësinë e gjyqësorit!

Wisner

TIRANË- Në ditën e Drejtësisë, Këshilli i Lartë Gjyqësor dhe Këshilli i Lartë i Prokurorisë kanë zhvilluar ditën e sotme një mbledhje të përbashkët në kuadër të ditës së drejtësisë. Në këtë takim ishte i pranishëm edhe i ngarkuari i SHBA-së me Punë në Shqipëri, David Wisner. Gjatë fjalës së tij Wisner u shpreh se Reforma në Drejtësi është një reformë pa kthim.

Ai më tej shtoi se SHBA ka pritshmëri që institucionet e krijuara në 2016 do të kenë afatgjata dhe kjo nuk vihet në diskutim, ndërsa theksoi se SHBA do mbështesë përpjekje për reforma në përputhje me Kushtetutën dhe pavarësinë e gjyqësorit.

“Reforma në drejtësi nuk është e lehtë apo perfektë por shqiptarët duhet të jenë krenar për punën e bërë. Janë marrë veprime kundër krimit të organizuar. Sfidat me të cilat përballemi janë të mëdha. Ka pengesa, do të ketë më shumë vetting, standarde më të lartë në institucione duke qenë se ka presion politik dhe pritshmëritë janë të mëdha.

Është me shumë rëndësi puna juaj. Takimi juaj sot tregon se institucionet nuk mund të punojnë vetëm. SHBA krenar që punon me KLP gjyqtarët e prokurorët. Presim që institucionet e krijuara në 2016 të jenë afatgjata dhe kjo nuk vihet në diskutim. Duhet bërë më shumë nga institucionet. SHBA do mbështesë përpjekje për reforma në përputhje me Kushtetutën dhe pavarësinë e gjyqësorit”, tha ai.

shba wisnet klp klgj