Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Do merrnin 184 kg kokainë poshtë një anije, zhytësit shqiptarë përfundojnë në pranga
PiranjatPërditësimi i fundit 14 Tetor 2025, 20:39
Nga Mirko Voltmer, BILD
Për të rikuperuar mallin e fshehur, një kartel droge kishte angazhuar një ekip ndërkombëtar specialistësh: sipas aktakuzës, zhytës profesionistë do të duhej të nxirrnin 184 kilogramë kokainë nga trupi i një anijeje mallrash. Megjithatë, ekspertët u tradhtuan – pasoi arrestimi dhe paraburgimi.
Që nga e hëna, gjashtë persona po përballen me akuzat për trafik droge në grup dhe import të paligjshëm para Gjykatës së Qarkut në Oldenburg tw Gjermanisw.
Aktakuza ngjan si njw film me spiunazh. Në shkurt, të pandehurit – dy rumunë (39, 65 vjeç), dy shqiptarë (38, 41 vjeç) dhe dy kolumbianë (39, 53 vjeç) – u takuan për bisedime në Spanjë dhe Portugali.
Detyra e tyre: tre prej tyre do të duhej të nxirrnin gjashtë pakot me drogë (me vlerë në tregun e zi deri në 18 milionë euro) nga trupi i anijes tregtare braziliane “Tiger South”, e cila pritej të mbërrinte në fillim të marsit në portin e Brake, në Saksoninë e Ulët.
Për misionin e rrezikshëm nënujore në lumin Unterweser, ata sigurojnë skafandra të thata për zhytje, skuterë nënujore, pajisje frymëmarrjeje me qarkullim të mbyllur (Rebreather, që mundëson zhytje pa flluska), si dhe pajisje ndriçimi.
“Sipas prokurorit, bëhet fjalë për një pajisje jashtëzakonisht profesionale, e cila zakonisht përdoret vetëm nga ushtria ose policia”.
Tre prej personave merreshin me logjistikën – organizonin makina me qira dhe apartamente pushimi, ndër të tjera edhe në fshatin artistik Worpswede.
Në natën mes 2 dhe 3 marsit erdhi momenti i planifikuar: sipas aktakuzës, dy kolumbianët dhe një shqiptar u zhytën drejt anijes “Tiger South”. Me thika zhytësish, ata synonin të hiqnin vidhat e kutisë së ujit për të arritur te kokaina e fshehur në hapësirën e brendshme.
Por për shkak të një alarmi të papritur në bord, “njerëzit-bretkosë” e ndërprenë menjëherë operacionin dhe notuan përsëri drejt bregut.
Megjithatë, atje i priste policia: hetuesit e Grupit të Përbashkët të Hetimit të Drogës (GER) nga Policia Kriminale e Landit (LKA) dhe dogana arrestuan zhytësit dhe bashkëpunëtorët e tyre që po prisnin në tokë.
Sipas informacioneve të gazetës BILD, hetuesit gjermanë kishin marrë më parë një sinjal nga kolegët e tyre përtej oqeanit dhe e kishin mbajtur grupin nën vëzhgim. Paketat me drogë (atëherë ende të raportuara me peshë bruto) u nxorën më vonë nga policia.
Pas leximit të aktakuzës, gjykata, prokuroria dhe avokatët mbrojtës u tërhoqën për një bisedë ligjore me dyer të mbyllura. Dhoma gjykuese po shqyrton dënime nga katër deri në shtatë vjet burg për të pandehurit Romeo-Paul U. (65), Dan L. (38), Amando B. (41), Ionel D. (39), Roberto E. (53) dhe Oscar M. (38), me kusht që ata të pranojnë fajësinë.
