Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
AKTUALITET
Do të arratiset? Balluku kërkon pashaportën
PiranjatPërditësimi i fundit 29 Janar 2026, 17:12
E marrë në mbrojtje hapur nga Edi Rama, duke sfiduar drejtësinë, numri 2 i ekzekutovit, Belinda Balluku, ka depozituar një rekurs në Gjykatën e Lartë kundër masës shtrënguese të ndalimit të daljes jashtë vendit, të vendosur ndaj saj në kuadër të hetimit penal të nisur nga Prokuroria e Posaçme.
Sa i përket masës së pezullimit nga ushtrimi i detyrës, Balluku nuk ka paraqitur kundërshtime, pasi kjo masë është pezulluar përkohësisht nga Gjykata e Posaçme e Apelit, në pritje të vendimmarrjes së Gjykatës Kushtetuese. Në këtë fazë, ajo vijon të ushtrojë funksionet e saj si zv kryeministre dhe ministre e energjisë.
Masat e sigurisë ndaj Ballukut janë kërkuar nga SPAK në kuadër të hetimeve për dyshime të forta mbi shkeljen e barazisë në tendera dhe shpërdorim detyre, lidhur me disa procedura të mëdha prokurimi publik me vlerë qindra milionë euro.
Hetimi përqendrohet kryesisht te tenderi i tunelit të Llogarasë dhe disa lote të Unazës së Madhe të Tiranës, ku prokuroria dyshon për paracaktim fituesish, manipulim të procedurave dhe ndërhyrje të drejtpërdrejtë nga titullari i institucionit.
Sipas SPAK, qëndrimi i Ballukut në detyrë përbën rrezik për procesin hetimor dhe interesin publik, pasi ajo dyshohet se ka ndikuar në marrjen e provave dhe ka ushtruar presion ndaj vartësve të saj.
Prokurorët kanë argumentuar se ekziston rreziku i përsëritjes së veprave penale dhe i komprometimit të mëtejshëm të hetimit, çka ka çuar edhe në kërkesën për masa më të rënda sigurie, përfshirë arrestimin.
Rekursi në Gjykatën e Lartë vjen në një moment kyç të procesit, ndërsa paralelisht Kuvendi i Shqipërisë refuzon të kalojë për votim autorizimin e masave ndaj numrit dy të qeverisë.
