Shqiptarët kanë një nivel konsumi individual shumë më të ulët se mesatarja europiane, por për ushqimet shpenzojnë...
AKTUALITET
Drejtonte makinën e tij në gjendje të dehur, arrestohet 29-vjeçari
PiranjatPërditësimi i fundit 4 Janar 2026, 13:46
Një 29-vjeçar nga Laçi është arrestuar pasi u konstatua duke drejtuar automjetin në gjendje të dehur. Ndërkohë, një grua 45-vjeçe është dërguar në spital për ndihmë mjekësore pas një rrëzimi aksidental në shkallët e jashtme të banesës së saj.
Po ashtu, një tjetër qytetare 28-vjeçe ka raportuar se gjatë mungesës së saj në banesë i janë vjedhur një palë vathë floriri. Po punohet për zbardhjen e rrethanave dhe identifikimin e autorit.
Njoftimi i Policisë:
Drejtoria Vendore e Policisë Lezhë
Shërbimet e Policisë Rrugore të DVP Lezhë arrestuan në flagrancë shtetasin K. M., 29 vjeç, banues në Laç, pasi u kap duke drejtuar automjetin në gjendje të dehur.
Shërbimet e Komisariatit të Policisë Lezhë referuan materialet në Prokurori për vlerësim, pasi është dërguar nga familjarët në spital për ndihmë mjekësore shtetasja P. M., 45 vjeçe, e cila dyshohet se është rrëzuar aksidentalisht në shkallët e jashtme të banesës.
Kurbin/Ditën e djeshme ka bërë kallëzim shtetasja E. B., 28 vjeçe, e cila ka deklaruar se gjatë kohës që nuk ka qenë në banesë, i janë vjedhur një palë vathë floriri. Vijon puna për zbardhjen e rrethanave, identifikimin dhe kapjen e autorit
Materialet procedurale iu referuan Prokurorisë Lezhë, për veprime të mëtejshme.
